12px13px15px17px
Tarix:14/02/14

“Skype” məlumatların sinxronlaşdırılması ilə bağlı səhvi aradan qaldırıb

“Microsoft” korporasiyası “Skype”da mesajların sinxronlaşdırılması xidmətində qeydə alınmış problemləri aradan qaldırıb. Bu haqda fevralın 13-də internet-telefoniya xidmətinin rəsmi bloqunda yazılıb.

“ICTnews” elektron xəbər xidməti “lenta.ru” saytına istinadən bildirir ki, artıq bir qurğuda (məsələn, işçi kompüterdə) baxılmış “Skype” mesajı başqa qurğuda (məsələn, smartfonda) oxunmuş kimi görsənəcək.
Bundan əvvəl sinxronlaşdırmada problemlər yaşanıb. “Skype” proqramını açan istifadəçi yeni mesajlara baxdıqda onlardan hansılarını oxuduğunu, hansılarını isə oxumadığını səhv salırdı.

Xatırladaq ki, “Microsoft” 2011-ci ildən “Skype” xidmətinə sahibdir; şirkət onu 8,5 milyard dollara satın alıb. “Skype” kompüterdən kompüterə və kompüterdən mobil və ya stasionar telefona zəng etməyə icazə verir.

Emil Hüseynov
 



Baxış sayı: 955

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024