TƏHLÜKƏSİZLİK

Tarix:22/05/14

Hakerlər “eBay” istifadəçilərinin parollarını oğurlayıb

Hakerlər “eBay” malların alış-satışı üzrə onlayn mağazasının məlumat bazasına müdaxilə ediblər. Müdaxilə nəticəsində şifrlənmiş parolların və digər fərdi məlumatların cinayətkarların əlinə keçməsi güman edilir. Bu barədə şirkətin rəsmi məlumatında deyilir.

Yaxın saatlarda “eBay” istifadəçilərdən hesab parollarını dəyişməyi xahiş edəcək. Bu barədə bildiriş həm onlayn mağazanın saytında, həm də istifadəçilərin fərdi elektron məlumatlarında yerləşdiriləcək.
Müdaxilənin fevralın sonunda, martın əvvəlində baş verdiyi məlumat bazasında “eBay” istifadəçilərinin adları, şifrlənmiş şəkildə parollar, elektron poçt ünvanları, fiziki ünvanlar, telefon nömrələri və doğum tarixləri olub. “eBay” əməkdaşlarının qeydiyyat məlumatlarının cinayətkarların əlinə keçməsi iki həftə əvvəl, məlumat bazasına müdaxilə isə yalnız bu yaxınlarda məlum olub.

Lakin maliyyə informasiyası, o cümlədən bank kartları haqqında məlumatlar və məxfi fərdi məlumatlar müdaxilə olunan bazada saxlanılmayıb. “eBay” nümayəndələri bildiriblər ki, servislə işdə istifadə edilən maliyyə məlumatları ayrıca şifrlənmiş şəkildə saxlanılır.

Şirkət müdaxilədən sonra istifadəçilərin hesablarında fırıldaqçılıq fəaliyyəti aşkar etməyib. Bundan başqa, “eBay” bəyan edib ki, “PayPal” ödəniş sistemində hesablara avtorizə edilməmiş çıxış aktivliyi aşkarlanmayıb və “PayPal” istifadəçilərinin şəxsi və maliyyə məlumatlarına müdaxilə olunmayıb. Xatırladaq ki, “PayPal” hesabları haqqında məlumatlar “eBay” məlumatlarından ayrıca saxlanılır, maliyyə informasiyası isə şifrlənmiş şəkildədir.

Şirkət hüquq-mühafizə orqanları və informasiya təhlükəsizliyi üzrə mütəxəssislərlə birlikdə hazırda sistemə qanunsuz müdaxiləni araşdırır, eləcə də istifadəçilərin mühafizəsi üçün əlavə tədbirlər görür.

“eBay” internet mağazası 1995-ci ildə proqramçı Pyer Omidyar tərəfindən yaradılıb. Mağazada qeydiyyatdan keçmiş istənilən istifadəçi alış-veriş edə bilər. “eBay”da brend şirkətlər də öz mallarını sata bilərlər. Onlar tərəfindən satışa çıxarılan malları adi istifadəçi lotları arasında tapmaq mümkündür. Əvvəllər “eBay”da nəhəng marka və şirkətlər tərəfindən malların birbaşa satılması üçün nəzərdə tutulan ayrıca “brands.ebay.com” bölməsi fəaliyyət göstərib. Bölmə indiyədək aktiv olsa da, orada yerləşdirilən kateqoriyaların əksəriyyəti boşdur, - "Lenta www.lenta.ru” yazır.

Baxış sayı: 800