TƏHLÜKƏSİZLİK

Tarix:10/06/14

ABŞ yenidən Çini kibercasusluqda ittiham edib

İnternet təhlükəsizlik problemləri ilə məşğul olan ABŞ-ın “CrowdStrike” özəl şirkəti Çin hərbçilərini genişmiqyaslı haker əməliyyatları keçirməkdə ittiham edib. Hədəf ABŞ-ın peyk və hava-kosmik proqramı olub.

“ICTnews" elektron xəbər xidməti “hitech.newsru.com” saytına istinadən bildirir ki, bazar ertəsi “CrowdStrike” şirkətinin dərc etdiyi hesabata əsasən, Çin Xalq-xilaskar ordusunun Şanxayda yerləşən hərbi hissələrindən biri 2007-ci ildən etibarən ABŞ Müdafiə Nazirliyinin dövlət idarələri və podratçılarına qarşı haker hücumları həyata keçirib.

Analitiklərin məlumatına görə, kosmik və hava-kosmik sahələri, həmçinin informasiya texnologiyaları sahəsi Çin hakerlərinin əsas hədəfi olub. Kibercasusluq üçün məşhur ofis proqramlarından (məsələn, Adobe Reader və Microsoft Office) istifadə olunub. Nəticədə istifadəçilərin kompüterlərinə haker proqramları quraşdırılıb.

Emil Hüseynov

Baxış sayı: 573