12px13px15px17px
Tarix:14/10/14

Britaniya yayım şirkəti əməkdaşların “iPhone” smartfonundan istifadəyə öyrədilməsinə 220 min funt-sterlinq xərcləyib

Böyük Britaniyanın büdcədən maliyyələşdirilən “BBC” (British Broadcasting Corporation) yayım şirkəti üç il ərzində 783 əməkdaşın “iPhone” smartfon modelindən istifadəyə öyrədilməsinə 220 min funt-sterlinq sərf edib. Bu barədə “Daily Mail” nəşri məlumat verib.

Bu barədə məlumat açıqlanandan sonra çoxları bu məbləğdə vəsaitin xərclənməsini başa düşməyib. Vergiödəyiciləri Alyansının rəhbəri Endi Silvestr “BBC” tərəfindən geniş yayılmış qurğudan istifadənin öyrənilməsinə böyük məbləğdə vəsaitin sərf olunmasından çox təəccüblənib. O qeyd edib ki, “iPhone”dan istifadəni bütün yeniyetmələr bacarır. “Bu səbəbdən peşəkarlar da bunu edə bilər”, - alyans rəhbəri vurğulayıb.  
Yayım şirkətinin nümayəndələri bəyan ediblər ki, qurğular yalnız iş üçün lazım olan əməkdaşlara ayrılır.
Son iki ildə “BBC” “Apple” şirkətinin qurğularından istifadəyə üstünlük verir və əməkdaşlar üçün 4266 “iPhone” smartfon modelinin, 427 “iPad” planşet kompüterinin və 815 “Mac” masaüstü kompüterinin alınmasına 2,5 milyon funt-sterlinq xərcləyib, - "Lenta ” yazır.



Baxış sayı: 788

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024