TƏHLÜKƏSİZLİK

Tarix:18/10/14

Hakerlərin ən çox hücum etdikləri Avropa ölkəsi hansıdır?

Mütəxəssislər Avropa, Yaxın Şərq və Afrika (EMEA) bazarlarını təhlil edərək müəyyən ediblər ki, 2014-cü ilin birinci yarısında edilmiş haker hücumlarının 17%-i Böyük Britaniyanın payına düşüb.

"ICTnews" elektron xəbər xidməti “hitech.vesti.ru” saytına istinadən bildirir ki, haker hücumlarının sayına görə ikinci yerdə 12% göstəriciyə malik Almaniya qərarlaşıb. Hücumların 10%-i Səudiyyə Ərəbistanı, 9%-i Türkiyə, 8%-i İsveçrənin payına düşüb. Ən az hücum Fransa (4%), İsveç (4%) və İspaniyada (3%) qeydə alınıb.

Bu halda ötən illə müqayisədə haker hücumlarının sayı iki dəfə artıb.

Dövlət qurumları cinayətkarların hücumlarına tez-tez məruz qalır. Mütəxəssislərin fikrincə, bu tendensiya gələcəkdə də davam edəcək. Həm də böyük həcmli məlumatlarla işləyən dövlət təşkilatları, həmçinin maliyyə departamentləri daha çox riskə məruz qalır.

Emil Hüseynov

Baxış sayı: 822