Tarix:08/05/15

PA sektor müdiri: “İnformasiya təhlükəsizliyi məsələsində hər kəs diqqətli olmalıdır”

“Azərbaycanda informasiya təhlükəsizliyinin təmin olunması söz-fikir azadlığı, kütləvi informasiya vasitələrinin inkişafı ilə paralel şəkildə aparılır. Əlbəttə ki, inkişafımızın müəyyən dövrlərində paralel istiqamətdə inkişaf edən bu iki məsələnin bəzisi daha çox üstünlük əldə edib”.
 
 
Bu fikirləri Prezident Administrasiyası İctimai-Siyasi Məsələlər Şöbəsinin sektor müdiri Elman Paşayev söyləyib.
 
Sektor müdiri fikirlərini belə izah edib ki, 1990-2000-ci illərdə daha çox kütləvi informasiya vasitələrinin inkişafına, internetin yayılmasına, məlumat azadlığının inkişafına fikir verildi, informasiya təhlükəsizliyi məsələsi isə bir qədər  arxada qaldı:
 
“Lakin son illər, xüsusilə də nəzərə alsaq ki, Azərbaycana qarşı informasiya müharibəsi genişlənib və bu baxımdan bu məsələ xüsusi aktuallıq kəsb etməyə başladı. Burada yaşadığımız regionu, müharibə vəziyyətində olmağımızı da nəzərə almalıyıq”.
 
E.Paşayev bildirib ki, informasiya təhlükəsizliyi məsələsində ictimaiyyətin, gənclərin, QHT-nin və xüsusilə də media qurumlarının üzərinə böyük məsuliyyət düşür:
 
 “Çünki milli təhlükəsizliyimiz üçün elə vacib məqamlar ola bilər ki, buna görə ictimaiyyətdən, mediadan xüsusi ayıq-sayıqlıq tələb olunur”.
 
 
SEYMUR

Baxış sayı: 683

© İstifadə edilərkən İctnews-a istinad olunmalıdır