12px13px15px17px
Tarix:26/05/15

Parolları əvəz edəcək yeni autentifikasiya sistemi hazırlanıb

Hindistan və ABŞ alimləri tərəfindən brauzer tarixçəsinə və sosial şəbəkələrdə aktivliyə əsaslanan parolları əvəz edəcək yeni autentifikasiya sistemi hazırlanıb. Sistem sayəsində smartfonda bu və ya digər xidmətdən, məsələn, mobil pul kisəsindən istifadə etmək üçün bir neçə sualı cavablandırmaq kifayət edəcək.
 
Bütün suallar istifadəçinin əvvəlki aktivliyi ilə əlaqədar olacaq. Məsələn, servis bu gün səhər kimdən SMS-bildirişin alınmasını soruşa bilər. Sistemin soruşduğu informasiya unikal və qeyri-adidir ki, bu da saxtalaşdırmanı çətinləşdirir.
 
"ActivPass" adlanan servisi artıq 70 nəfər sınaqdan keçirib. Autentifikasiyanın dəqiqliyi 95 faizə çatır. Bunun üçün istifadəçilərin "Facebook" sosial şəbəkəsində aktivliyi haqqında məlumatlardan, brauzerdə baxış tarixçəsindən, bildirişlər və smartfonlarda həyata keçirilən digər əməliyyatlardan istifadə edilir.
 
Hakerlər 5 faiz halda proqramı sındıra bilərlər. Hazırda bu təhlükəsizlik səviyyəsi ciddi autentifikasiya sistemləri üçün yetərli deyil. Lakin təhlükəsizlik sahəsində keçiriləcək gələcək tədqiqatlar servisdən ənənəvi parolları əvəzləməyə imkan verəcək, - "Payspacemagazine" yazır. 



Baxış sayı: 1235

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 İyun 2024

16 06 2024