İKT

Tarix:29/05/15

Pilotsuz uçuş aparatlarının qlobal satış həcmi 2 dəfə artacaq

“Kleiner Perkins Caufield & Byers” investisiya fondunun tərəfdaşı və internet analitiki Meri Mikerin hesablamasına görə, 2014-cü ildə pilotsuz uçuş aparatlarının (dron) qlobal satış həcmi pul baxımından 750 milyon dollaradək yüksəlib. 2013-cü ildə bu göstərici 250 milyon dollar təşkil edib.

"ICTnews" elektron xəbər xidməti “vedomosti.ru” saytına istinadən bildirir ki, analitikin proqnozuna görə, 2015-ci ildə dronların satış həcmi 1,7 milyard dollar olacaq. Miker bildirib ki, 2015-ci ildə dronların satış həcmi ədədi hesablama üzrə 4.3 milyon təşkil edəcək. 2013-cü ildə dünyada 750 min, 2014-cü ildə 1,5 milyondan çox dron satılıb. Bu halda, Mikerin məlumatına görə, 2014-cü ildə dron satışlarının 35 faizi ABŞ, 30 faizi Avropa, 15 faizi Çinin payına düşüb.

Məlumat üçün bildirək ki, dronlar yüksəklikdən çəkiliş üçün nəzərdə tutulmuş pilotsuz uçuş aparatıdır.

Emil Hüseynov

Baxış sayı: 530