TƏHLÜKƏSİZLİK

Tarix:16/10/15

Avropa İttifaqında nağdsız ödənişlərin və kartlar üzrə əməliyyatların sayı artır

Avropa İttifaqında (Aİ) nağdsız ödənişlərin sayı 2014-cü ildə 2,8 faiz artaraq 103,2 milyard dollara çatıb. Bu barədə Avropa Mərkəzi Bankının hesabatında deyilir.

Qeyd olunur ki, tranzaksiyaların 46 faizi kartlar üzrə ödənişlərin, 26 faizi kredit vəsait köçürmələrinin, 21 faizi birbaşa debetlərin payına düşüb.

Kartlar üzrə əməliyyatların sayı 8,8 faiz artaraq 47,5 milyard avro, onların ümumi həcmi 2,4 trilyon avro təşkil edib.

Aİ-də nağdsız ödənişlərin sayının artması ilə ödəniş funksiyalı kartların sayı (0,9 faiz - 766 milyon ədədədək) da çoxalıb. Avropa Mərkəzi Bankının məlumatına görə, Aİ-də adambaşına təxminən bir yarım ödəniş kartı düşür.

2014-cü ildə Aİ-də 42 pərakəndə ödəniş sistemi fəaliyyət göstərib və onlar vasitəsilə 38,3 trilyon avro məbləğində 50 milyard tranzaksiya həyata keçirilib. Ümumi saydan 23 sistem avro zonası ölkələrinin ərazisində fəaliyyət göstərir. Burada 27,2 trilyon avro (Aİ üçün ümumi məbləğin 71 faizi) məbləğində 37 milyard tranzaksiya (Aİ-də tranzaksiyaların ümumi sayının 74 faizi) emal olunub.

Aralarında Fransanın "CORE", Britaniyanın "STEP2" və "BACS", Almaniyanın "RPS" sistemlərinin olduğu iri ödəniş sistemləri tranzaksiyaların ümumi sayının və ümumim həcminin 66 faizini emal ediblər, - "Payspacemagazine" yazır.

Baxış sayı: 454