TƏHLÜKƏSİZLİK

Tarix:05/11/15

İran ABŞ administrasiyasında işləyənlərin kompüterlərinə haker hücumlarını gücləndirib

«The Wall Street Journal» onlayn nəşri yazır ki, son həftələr ərzində İran ABŞ-ın dövlət qulluqçularının fərdi kompüterlərinə haker hücumlarını xeyli gücləndirib.

«ICTnews.az» saytı «itar-tass.com» saytına istinadən yazır ki, nəşrin məlumatına görə, ABŞ administrasiyasının İran barəsində siyasətlə məşğul olan nümayəndələrinin kompüterləri daha çox müdaxiləyə məruz qalır. Kibercinayətkarlar onların elektron poçt qutularına, həmçinin sosial şəbəkələrdəki hesablarına müdaxiləyə çalışırlar.

Nəşr yazır ki, ABŞ-ın dövlət qulluqçularının kompüterləri tez-tez birbaşa İran İslam Respublikasının mənəvi lideri ayətullah Əli Xamneiyə tabe olan "İslam İnqilabının Keşikçilər Korpusu»nun kəşfiyyatı tərəfindən kiberhücumlara məruz qalır.

Emil Hüseynov

Baxış sayı: 557