TƏHLÜKƏSİZLİK

Tarix:11/11/15

2016-cı ildə internetdə məxfilik problemi kritik həddə çatacaq

2016-cı ildə istifadəçilər internetdə öz məlumatlarının təhlükəsizlik məsələlərinə daha məsuliyyətlə yanaşacaq və onlayn xidmət provayderlərindən daha etibarlı mühafizə tələb edəcəklər. Bu barədə “Forrester Research” analitik şirkətinin hesabatında deyilir.

Hesabata görə, istifadəçilərin elektron kanallar vasitəsilə məlumatlarını toplayan, saxlayan və istifadə edən müəssisələr kiberhücum riskləri ilə daha çox üzləşə bilərlər.

Həmçinin onların servislərinin populyarlığı istifadəçilərin fərdi məlumatların mühafizəsini rahatlıqdan üstün tutmasına görə ziyan çəkəcək.

Şirkətlər resursların təhlükəsizlik səviyyəsini artırmaq üçün istifadəçilərə ödənişli servislər, məsələn, saytlara reklamsız və fərdi məlumatların yüksək səviyyədə mühafizəsi rejimində baxmaq imkanına abunə olmaq təklif edəcəklər. Tədqiqata görə, “Facebook” istifadəçiləri belə servisə görə ildə 30-60 dollar ödəməyə hazırdırlar. Kompüter istifadəçisi olan yaşlı amerikalıların 26 faizi artıq "AdBlock” reklam bloklama xidmətindən istifadə edir.

2016-cı ilin əvvəlində Avropa İttifaqı tərəfindən fərdi məlumatların mühafizəsi haqqında qanunu pozmağa görə yeni məsuliyyət normalarının təsdiq ediləcəyi gözlənilir. Yeni qanuna əsasən, normaların pozulmasına görə cərimə qlobal mədaxilin 5 faizini təşkil edəcək. ABŞ-da şirkətləri oxşar pozuntulara görə daha ciddi maliyyə sanksiyaları gözləyə bilər, - "Payspacemagazine” yazır.

Baxış sayı: 530