12px13px15px17px
Tarix:10/12/15

Kompüter İnsidentlərinə Qarşı Mübarizə Mərkəzi xəbərdarlıq edib

Azərbaycan Xüsusi Dövlət Mühafizə Xidməti Xüsusi Rabitə və İnformasiya Təhlükəsizliyi Dövlət Agentliyinin Kompüter İnsidentlərinə Qarşı Mübarizə Mərkəzi “Nemesis” adlandırılan yeni virusla bağlı xəbərdarlıq edib.
 
Kredit kartlarından məlumatları oğurlamaq üçün nəzərdə tutulmuş qəliz konfiqurasiyaya malik zərərvericini “FireEye” şirkətinin mütəxəssisləri aşkarlayıb.
 
Mərkəzin yaydığı məlumata görə, “Nemesis” adını almış “malware” əməliyyat sisteminin (ƏS) kodu işə salınmamışdan öncə öz zərərverici kodunu işə salır və bu xüsusi imkanına görə ƏS-in yüklənməsində iştirak edən prosesləri nəzarət altında saxlayır. Ekspertlərin fikrincə, zərərvericini aşkar etmək çox çətindir və hətta əməliyyat sisteminin yenidən yazılması da tam silinməyə gətirib çıxarmır.
 
“FireEye”nin məlumatına əsasən, “Nemesis”in müəllifi FIN1 haker qruplaşmasıdır, onlar Rusiya və ya rusdilli ölkədə fəaliyyət göstərirlər. Bu haker qrupu əsasən kredit kartlarının və digər vacib maliyyə məlumatlarının oğurlanmasına istiqamətlənib.
 
Kompüter İnsidentlərinə Qarşı Mübarizə Mərkəzi bildirir ki, zərərverici sistemə yoluxandan sonra hakerlər daima “Nemesis”in funksionallığını yeniləyirlər. Məsələn, yenilənmələrin birində koderlər əsas yüklənmə qeydini (Volume Boot Record) yoluxduran xüsusi alət əlavə ediblər.
 
CAHANGİR



Baxış sayı: 1038

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024