TƏHLÜKƏSİZLİK

Tarix:23/09/11

Britaniya fondu 1,6 milyon insanın şəxsi məlumatları olan diski itirib

Kent qraflığında əlil və yaşlı insanlara xidmət edən Britaniyanın “Eastern and Coastal Kent Primary Care Trust” fondu müştərilərinin şəxsi məlumatlarının itkisi haqqında məlumat verib.

Təşkilatın 2 ofisi arasında yerdəyişmə zamanı 1,6 milyondan çox insanın şəxsi informasiyasını özündə saxlayan disk itirilib. Diskdəki baza insanların ünvanları, doğum tarixləri, NHS nömrələri və bəzi digər informasiyalardan ibarətdir.

“Eastern and Coastal Kent Primary Care Trust” nümayəndələrinin sözlərinə görə, digər ofisə köçmə zamanı diskdə olan məlumatların əhəmiyyəti nəzərə alınıb və onu xüsusi konteynerdə aparmağa qərar verilib. Lakin, buna baxmayaraq, disk yenə də itib.

Hadisə barədə dərhal ölkədə məxfilik haqqında qanunlara riayət olunmasını izləyən Britaniyanın “İnformation Commissioner” təşkilatı xəbərdar edilib. Fond rəhbərləri bildiriblər ki, gələcəkdə belə hadisələrin təkrarlanmaması üçün müvafiq standartlar qəbul edilib.

Baxış sayı: 1052