TƏHLÜKƏSİZLİK

Tarix:09/12/16

2017-ci il üzrə informasiya təhlükəsizliyi bazarına dair proqnoz tərtib edilib

“Trend Micro” antivirus istehsalçısı 2017-ci il üzrə informasiya təhlükəsizliyi bazarındakı vəziyyətə dair proqnoz verib. Şirkətin nümayəndələri hesab edirlər ki, kiberhücumların gücü və mürəkkəbliyi artacaq, bu halda cinayətkarlar texnoloji landşaftın dəyişilməsi şəraitində maksimum fayda əldə etmək üçün müxtəlif metodlardan istifadə edəcək.

“ICTnews” Elektron Xəbər Xidməti “www.dailycomm.ru” saytına istinadən yazır ki, “Trend Micro” şirkətinin proqnozuna görə, gələn ildə yeni fırıldaqçı proqram növlərinin sayı 25% artacaq ki, bu da əvvəlki artım tempindən azdır. Ancaq bu təhdidlər müxtəlif qurğular, həmçinin PoS-terminallar, bankomatlar və “əşyalar interneti” həlləri üçün təhlükəlidir. Ekspertlərin fikrincə, istehsalçılar “əşyalar interneti” qurğularının vaxtında “DDoS” hücum və başqa hücum növlərindən müdafiəsini təmin edə bilməyəcək.

“Trend Micro” şirkətinin məlumatına görə, korporativ poçtdan istifadəyə əsaslanan fırıldaqçılıq metodları əvvəlki kimi pul və məlumatların oğurlanmasında səmərəli üsuldur.

İctimai rəyə təsir göstərilməsi məqsədi ilə kibertəbliğatın rolu güclənəcək, çünki insanların çox hissəsi internetə çıxışa malikdir.

Emil Hüseynov

Baxış sayı: 1105