12px13px15px17px
Tarix:19/12/16

Növbəti ilin əsas kibertəhdidləri açıqlanıb

Yaponiyanın kompüter təhlükəsizliyi sistemlərinin hazırlanması ilə məşğul olan “Trend Micro” şirkəti 2017-ci ilin əsas kibertəhdidlərinə həsr edilən hesabat hazırlayaraq cinayətkarların zəmanə ilə ayaqlaşmasını və ən son texnologiya və ya daha geniş yayılmış məhsullara üstünlük verməsini açıqlayıb.

“ICTnews” Elektron Xəbər Xidməti “NEWSru” resursuna istinadən yazır ki, şirkətin texnologiyalar üzrə direktoru Raymund Qinesin sözlərinə görə, növbəti ildə kibertəhlükəsizlik sənayesi yeni mərhələyə daxil olacaq. “2016-cı ildə kibercinayətkarlar hücum üsullarını və hücum edilən hədəflərin növlərini təkmilləşdiriblər. Biz iri korporasiyalar üçün yeni hücum metodlarının yaranmasını, geniş qurğular çeşidinə aid olacaq onlayn fırıldaqçılıq taktikasının genişlənməsini, eləcə də ictimai fikrin manipulyasiyası üçün kibertəbliğat üsullarının tətbiqini proqnozlaşdırırıq”, - direktor bildirib.

Ekspertlərin qənaətinə görə, 2017-ci ildə məqsədyönlü hücumların həyata keçirilməsində “Əşyalar interneti” (IoT) əhəmiyyətli rol oynayacaq. “IoT” qurğularından istifadə edilməklə həyata keçirilən hücumlar internetə qoşulmuş qurğuların hər yerdə yayılması, eləcə də onların boşluqlu yerlərindən istifadə imkanı və mühafizə edilməyən korporativ sistemlərdən istifadə sayəsində gəlirli olacaq.

“Trend Micro” hesabatında, həmçinin qeyd olunur ki, qarşıdakı ildə “Apple” və “Adobe” şirkətlərinin məhsullarının istifadəçiləri xüsusilə ehtiyatlı olmalıdırlar. Şirkət analitikləri izah ediblər ki, 2016-cı ildə “Apple” məhsullarında 50 boşluq aşkarlanıb, “Adobe” üçün bu göstərici 135 təşkil edib. 2017-ci ildə “Apple” məhsullarında boşluqların sayının artacağı gözlənilir.  

Yaponiya şirkətinin proqnozunda qeyd edilən daha bir ciddi təhlükə korporativ poçtdan istifadə edilməklə törədilən fırıldaqçılıqla əlaqədardır. “Biz kibercinayətkarların daim dəyişən texnoloji landşafta uyğunlaşmaqda davam etməsinin şahidi oluruq. 2016-cı ildə yeni fırıldaqçılıq proqramlarının sayında nəzərəçarpacaq artımın qeyd alınmasına baxmayaraq hazırda o, xeyli azalıb. Odur ki, hakerlər belə proqramların artıq mövcud olan müxtəlif növlərindən istifadə yollarını axtaracaqlar”, - “Trend Micro”nun kibertəhlükəsizlik üzrə idarəsinin rəhbəri Ed Kabrera deyib.

Bundan başqa, hesabat müəllifləri kibertəbliğatın güclənməsi, o cümlədən sosial şəbəkə və mikrobloqlar istifadəçilərinə qarşı yönələn avtomatik informasiya trafikinin generasiyası, eləcə də sosial şəbəkələrdə artan yalan xəbərlərin sayı ilə əlaqədar təhdidlərə diqqət yönəldirlər.

Xatırladaq ki, “Facebook” sosial şəbəkəsi yalan məlumatların yayılması ilə mübarizə üçün yeni mexanizm istifadəyə verib. Mexanizm vasitəsilə dərc edilmiş şübhəli materiallarda olan informasiyanın həqiqiliyi müstəqil təşkilatlar tərəfindən yoxlanılacaq.

Nizam Nuriyev 




Baxış sayı: 414

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






23 İyun 2017

22 06 2017

22/06/17
Nəqliyyat, Rabitə və Yüksək Texnologiyalar Nazirliyinin əməkdaşları dövlət qulluğunda səmərəli fəaliyyətlərinə görə mükafatlandırıldı

Birləşmiş Millətlər Təşkilatının Baş Assambleyasının qərarı ilə iyunun 23-ü dünyada Dövlət Qulluğu Günü 

22/06/17
“Microsoft Office” proqramlar paketində mətnin səslə yığımı üçün “Dictate” genişlənməsi təqdim edilib

“Microsoft Garage” startap inkubatorun məhsulu olan “Dictate” layihəsi “Microsoft Office” proqram 

22/06/17
“Facebook” istifadəçilərinin fotoşəkillərinin mühafizəsi gücləndiriləcək

“Facebook” sosial şəbəkəsi istifadəçilərin fotoşəkillərini kopyalamaqdan qorumaq üçün yaradılan yeni funksiyanı

22/06/17
“Skype”ın fəaliyyətində qlobal nasazlıq aradan qaldırılıb

“Microsoft” korporasiyasına məxsus “Skype” messencerinin nümayəndələri iyunun 19-da servisin fəaliyyətində 

22/06/17
“Əşyalar interneti” laboratoriyası yaradılıb

Çinin “Huawei” telekommunikasiya avadanlığı istehsalçısı və İspaniyanın “Telefonica” rabitə operatoru 

22/06/17
“Elektron hökumət” portalının “Android” mobil əlavəsindəki elektron xidmətlərin sayı artırıldı

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin operatoru 

22/06/17
2016-cı ildə ödəmə terminallarına edilmiş hücumların sayı yüksəlib

Ötən il ödəmə terminallarına edilmiş hücumların sayı artıb.

22/06/17
“IBM” superkompüterləri hava proqnozunun tərtibinə kömək edəcək

“IBM” superkompüterlərindən hava proqnozlarının tərtib edilməsi üçün istifadə ediləcək

22/06/17
2021-ci ilə planetdə insanların 50%-dən çoxu internetdən istifadə edəcək

Şəbəkə avadanlığının istehsalı üzrə ixtisaslaşmış “Cisco” şirkətinin proqnozuna görə, 4 il sonra planetdə 

22/06/17
Elastik noutbuk konsepti nümayiş olunub

“Lenovo” şirkəti displeyə zərər vurmadan qurğunu qatlamağa və açmağa imkan verən elastik ekranlı noutbuk