12px13px15px17px
Tarix:20/12/16

Kiberhücumlar 2021-ci ilədək dünya iqtisadiyyatına 6 trilyon dollar ziyan vuracaq

Kibercinayətkarlıq bəşəriyyətin növbəti 20 ildə qarşılaşacağı ən ciddi problemlərdən biri olacaq. Belə ki, “Juniper Research” şirkətinin tədqiqatına görə, 2019-cu ilədək dünya iqtisadiyyatının kiberhücumlardan ümumi itkiləri 2,1 trilyon dollar təşkil edəcək, “Cybersecurity Ventures”in proqnozuna görə, 2021-ci ilədək bu göstərici 6 trilyon dollara çatacaq.  

“ICTnews” Elektron Xəbər Xidməti “SecurityLab” resursuna istinadən yazır ki, Avropolun dərc etdiyi “IOCTA 2016” (Internet Organised Crime Threat Assessment - Mütəşəkkil kibercinayətkarlıq təhdidlərinin qiymətləndirilməsi) hesabatında dünya kibercinayətkarlığında iki maraqlı yenilik yer alıb: “cinayətkarlıq servis kimi” (cybercrime-as-a-service, CaaS) və “fırıldaqçı proqram təminatı xidmət kimi” (ransomware-as-a-service, RaaS).  “High-Tech Bridge” şirkətinin eksperti İlya Koloşenko “Forbes” nəşrində dərc edilən məqalədə yazıb ki, birinci biznes modeli çərçivəsində cinayətkarlar zərərli proqram təminatını ucuz qiymətə satır, onun quraşdırılması və kiberhücumların, o cümlədən “DDoS” hücumlarının həyata keçirilməsi üzrə xidmətlər göstərirlər. Bəzi hallarda xidmətlərin anonim ödənişi üçün kriptovalyutadan istifadə olunur. Bu texnologiyanın mahiyyəti ilə əlaqədar belə halları araşdırmaq çətinliklər törədir, eləcə də rəqəmli sübutları asanlıqla saxtalaşdırmaq mümkündür.

Kibercinayətkarlar arasında populyarlığı artan ikinci biznes modeli “fırıldaqçı proqram təminatı xidmət kimi” modelidir. “Trend Micro” şirkətinin tədqiqatına görə, fırıldaqçı proqram təminatından istifadə edilməklə həyata keçirilən uğurlu hücumlar fırıldaqçı operatorlara çoxlu qazanc gətirir. Bildirilir ki, bu ilin əvvəlindən yeni fırıldaqçı proqram təminatı növlərinin sayı 172 faiz artıb.

İ.Koloşenkonun sözlərinə görə, fırıldaqçı proqram təminatından istifadə cinayətkarlara daimi gəlirə zəmanət verir, çünki əksər qurbanlar məlumatların şifrlərinin açılmasına görə pul ödəməyə hazırdır. Ekspertin fikrincə, gələcəkdə fırıldaqçı operatorlar hücumlara yanaşmanı dəyişəcək və smartfon və kompüterlərlə yanaşı, “ağıllı” saat və internetə qoşulan digər qurğuları bloklayacaqlar. 

Nizam Nuriyev 




Baxış sayı: 191

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






18 Avqust 2017

17 08 2017

17/08/17
“ASUS ZenFone 4” və “ZenFone 4 Pro” smartfonları rəsmən təqdim edilib

“ASUS” şirkəti Tayvanda “ZenFone 4” və “ZenFone 4 Pro” smartfonlarını təqdim edib. Hər iki smartfon qabaqcıl 

17/08/17
“ASUS” şirkətinin “Windows 10 S” sistemi ilə işləyən ilk noutbuku təqdim edilib

“ASUS” şirkəti yeni “Windows 10 S” əməliyyat sistemi ilə işləyən “VivoBook W202” adlı ilk noutbukunu 

17/08/17
“Google” zəif internetə malik regionlar üçün “Search Lite” mobil proqramını sınaqdan keçirir

“Google” şirkəti zəif internetə malik regionlarda tətbiq üçün nəzərdə tutulmuş “Search Lite” proqramının 

17/08/17
“Intel” yeni nəsil prosessorlarının anonsunu verib

“Intel” şirkəti 10 nanometrlik texnoloji proses normalarına riayət edilməklə hazırlanmış çiplərin (“Cannon Lake” 

17/08/17
2025-ci ilə dünyada 5G şəbəkələrinə qoşulmaların sayı 1,4 milyarda bərabər olacaq

“Juniper Research” analitik şirkətinin proqnozuna görə, 2025-ci ilə dünyada 5G şəbəkələrinə qoşulmaların 

17/08/17
“Motorola” şirkəti özü bərpa olan ekrana malik smartfonu patentləyib

Çinin “Lenovo Group” şirkətinə məxsus olan ABŞ-ın “Motorola Mobility” ka şirkəti özü bərpa olunan displeyə

17/08/17
“Nokia 8” smartfonu rəsmən təqdim olunub

“Nokia” brendi üzərində hüquqa sahib “HMD Global” şirkəti Londonda keçirilmiş tədbirdə yeni “Nokia 8

17/08/17
2021-ci ilə daşınan elektronika qurğularının tədarük həcmi 430 milyon təşkil edəcək

“Tractica” tədqiqat şirkətində çalışan ekspertlərin proqnozuna görə, yaxın 5 ildə qlobal daşınan elektronika