TƏHLÜKƏSİZLİK

Tarix:26/05/17

Yüzlərlə “Android” proqramı istifadəçiləri izləmək üçün ultrasəsdən istifadə edir

“Google Play” mobil tətbiqlər mağazasından “Android” mobil əməliyyat sistemi üçün ultrasəs mayakı ilə təchiz edilmiş yüzlərlə proqram silinib. Bu proqramlar istifadəçiləri izləyib. Bu haqda “DailyMail” nəşri yazıb.

“ICTnews” Elektron Xəbər Xidməti “gazeta.ru” saytına istinadən yazır ki, bu texnologiyanın əsasını müxtəlif qurğular arasında ultrasəs siqnalları ilə (insan qulağı tərəfindən eşidilmir) mübadilə təşkil edir. Nəticədə belə siqnalları “oxuyan” mobil proqram qurulmuş smartfon istifadəçinin olduğu yeri və onun nə ilə məşğul olması haqda informasiya toplayır. Marketoloq və reklamçılar isə hədəflənmiş reklamın yaradılmasında bu məlumatlardan istifadə edə bilərlər.

Bransvik Texniki Universitetinin tədqiqatçıları müəyyənləşdiriblər ki, ultrasəs siqnallarının tanınması üçün kod, həmçinin böyük brendlərin (məsələn, McDonald's və Krispy Kreme) mobil proqramlarına tətbiq edilib.

Emil Hüseynov

Baxış sayı: 437