TƏHLÜKƏSİZLİK

Tarix:14/06/11

ABŞ Senatının daxili şəbəkəsi sındırıldı

“Lulz Security” haker qruplaşması ABŞ Senatının daxili şəbəkəsini qırması haqqında bəyanat yayıb. Hakerlər Senatın serverindən oğurlanmış faylların siyahısını dərc ediblər. Bununla belə, “Lulz Security”də qeyd ediblər ki, bu, onların saytdan əldə etdiyi daxili məlumatların yalnız kiçik hissəsidir.
"Amerika hökuməti bizim xoşumuza gəlmir. Onların gəmiləri zəifdir, onların zarafatları gülməli deyil və onların saytları elə də yaxşı müdafiə olunmur" - deyə hakerlər bildiriblər.
Senat nümayəndəsi təsdiq edib ki, istirahət günü hakerlər həqiqətən Senatın daxili şəbəkəsinə giriblər və Amerika konqresinin kompyuter təhlükəsizlik xidməti hadisəni araşdıracaq.
Kibertəhlükəsizlik xidmətindən vurğulayıblar ki, hakerlərin hərəkətlərindən zərər minimaldır və Senatın daxili şəbəkəsində saxlanılan məlumatlar kifayət qədər qorunur.
Daha əvvəl “Lulz Security” qrupundan hakerlər FBR bölməsinin serverinə -“İnfraGard” təşkilatına, həmçinin “Sony” korporasiyası bölməsinin saytına hücum ediblər. Bundan əlavə, haker qruplaşması kanalda WikiLeaks resursunu yaradanları tənqid edən filmə cavab olaraq PBS Amerika televiziya şirkətinin saytını sındırıblar.

Baxış sayı: 1157