12px13px15px17px
Tarix:10/07/17

“Wi-Fi” çiplərində aşkar edilmiş təhlükəli boşluq milyonlarla qurğunu təhlükə altına qoyur

Kompüter təhlükəsizliyi üzrə mütəxəssis Nitay Artenşteyn “iOS” və “Android” sistemləri ilə işləyən qurğularda istifadəçidən xəbərsiz ixtiyari  kodu yerinə yetirməyə imkan verən “Broadpwn” adlandırılmış təhlükəli boşluq aşkar edib.
 
Məlumata görə, problem smartfonlara qurulmuş “Broadcom” şirkətinin “Wi-Fi” çipləri ilə bağlıdır. Artenşteyn artıq bu barədə “Google” şirkətini xəbərdar edib və şirkət 5 iyul tarixində “Android” sistemi üçün müntəzəm yeniləmələr çərçivəsində düzəliş çıxarıb.
 
“ICTnews” Elektron Xəbər Xidməti “macdigger.ru” saytına istinadən yazır ki, ekspertin sözlərinə görə, aşkarlanmış problem simsiz rabitə üçün “Broadcom BCM43xx” seriyasına məxsus çiplərdən istifadə edən milyonlarla “Android” və “iOS” sistemli qurğuları təhlükə altında qoyur. Artenşteyn boşluq haqda bütün təfərrüatları açıqlamayıb və avqustda Las-Veqasda keçiriləcək “Black Hat USA” konfransında “Broadpwn” haqda hesabat təqdim etmək niyyətindədir.
 
Hücumun uğurla həyata keçirilməsi üçün istifadəçinin iştirakı tələb olunmur: qurbanın zərərverici “Wi-Fi” şəbəkəsinin əhatə zonasında olması kifayətdir.
 
Emil Hüseynov




Baxış sayı: 332

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024