TƏHLÜKƏSİZLİK

Tarix:02/10/17

“Google” şirkəti iki mərhələli autentifikasiyanı daha təhlükəsiz sistemlə əvəz edəcək

“Google” şirkəti iki mərhələli autentifikasiyanı əvəz etmək üçün yeni “Advanced Protection Program” sistemini hazırlayır. İndi adi paroldan sonra əlavə kodun daxil edilməsi ən təhlükəsiz metodlardan biri hesab edilir, amma cinayətkarlar fişinq hücumu və ya digər metodlarla parolu ələ keçirə bilərlər. “Bloomberg”in hesabatına əsasən, gələcəkdə istifadəçilər “Yubikey” kimi fiziki açarlardan istifadə edəcəklər.

“ICTnews” Elektron Xəbər Xidməti “4pda.ru” saytına istinadən yazır ki, ehtimal ki, “Google” iki mərhələli autentifikasiya sistemini tamamilə ləğv etməyəcək. Fiziki açarların köməyi ilə yeni giriş metodu korporativ müştərilər üçün nəzərdə tutulacaq. Lakin korporativ müştərilər təhlükəsizlik məsələlərindən narahatdırlar. Məsələn, bir neçə ay bundan əvvəl bir çoxları “Google Disk” üzərindən həyata keçirilən fişinq hücumu ilə qarşılaşmışdılar.

Emil Hüseynov

Baxış sayı: 437