12px13px15px17px
Tarix:21/11/17

Viruslar “Google Play” proqramlar mağazasına müdaxilə etməyə müvəffəq olublar

Hakerlər troyanları “Google Play” proqramlar mağazasının mühafizə sistemindən gizlətmək mexanizmi hazırlayıblar. Zərərverici kod adi proqramlara tətbiq olunur. Fon rejimində məxfi işləyən virus şifrləmə və çoxpilləli sxem sayəsində gizlədilir.

“ICTnews” Elektron Xəbər Xidməti “hi-tech.mail.ru” saytına istinadən yazır ki, cihaza quraşdırıldıqdan sonra zərərverici proqram öncədən təyin edilmiş funksiyaları yerinə yetirir və əlavə inzibatçılıq hüquqlarını sorğulamır. Bu zaman virus maskalanır, ona görə istifadəçi şübhəli heç nə hiss etmir.

Bundan sonra virus hakerlər tərəfindən təyin edilmiş ünvan üzrə başqa proqramı yükləyir. Yeganə çətinlik odur ki, istifadəçi yeni zərərverici proqramın quraşdırılmasına icazə verməlidir. Yeni zərərverici proqram  “Adobe Flash Player” və ya “Android Update” proqramları kimi maskalanır.

“Google Play”dan yoluxmuş proqram öz-özlüyündə heç nə edə bilməz. Bunun üçün istifadəçi əlavə mobil tətbiqin  quraşdırılmasına icazə verməməlidir. Buna görə diqqətli olmaq lazımdır.

“Google Play”da artıq 8 belə zərərverici proqram aşkar edilib və “Eset” antivirus şirkətinin xəbərdarlığından sonra dərhal silinib.

Emil Hüseynov




Baxış sayı: 407

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024