TƏHLÜKƏSİZLİK

Tarix:05/01/18

Bütün “iPhone” modelləri təhlükə altındadır

“Apple” şirkəti bütün “iMac” və “iPhone” modellərinin prosessorları üçün kritik boşluğun mövcud olmasını etiraf edib. Bu haqda İT nəhənginin saytında deyilir.

“ICTnews” Elektron Xəbər Xidməti “lenta.ru” saytına istinadən yazır ki, "Meltdown və “Spectre” adlı 2 təhlükə aşkar edilib. Bu, demək olar ki, bütün qurğu və əməliyyat sistemlərinə təhlükə yaradır, “Mac” sistemi ilə işləyən bütün kompüterlər və “iOS” qurğuları təhlükə altındadır" – “Apple” şirkətindən bildirilib. Bununla belə qeyd edilir ki, hazırda son istifadəçiyə təsir göstərə biləcək zərərverici kodlar haqda məlumat yoxdur.

Şirkətdən bildirilib ki, hakerlər sözügedən boşluqdan istifadə etmək üçün zərərli mobil proqramı qurğuya quraşdırmalıdırlar. Qurğuya belə müdaxilənin qarşısını almaq üçün yalnız “App Store” kimi təhlükəsiz mənbələrə etibar etmək lazımdır.

Emil Hüseynov

Baxış sayı: 409