12px13px15px17px
Tarix:05/07/18

İnternetdə yeni virus yayılıb

Bolqarıstanın kibertəhlükəsizlik sahəsi üzrə “VessOnSecurity” təxəllüslü tədqiqatçısı “Twitter” səhifəsində yeni virus aşkarlaması barədə məlumat verib.   

“ICTnews” Elektron Xəbər Xidməti “Lenta” resursuna istinadən yazır ki, ekspertin sözlərinə görə, zərərli proqram təminatının işi 2016-cı ildə həyata keçirilən “DDoS” hücumu zamanı dünyanın bir neçə ölkəsini internetə çıxışdan məhrum edən “Mirai” botnetinin fəaliyyətinə bənzəyir.

Bildirilir ki, bir neçə gün sonra tədqiqatçı virusun yayılma xəritəsini dərc edib. “Həmişə olduğu kimi, birinci yerdə ABŞ qərarlaşıb. Çoxsaylı unikal “IP” və “URL” ünvanları xüsusilə diqqət çəkir. Buna səbəb isə “Mirai” botnetinə oxşar virusdur”, - ekspert qeyd edib.

Məlumata görə, naməlum virus vasitəsilə hücumların sayı hər saat artır – iyulun 1-nə olan məlumata görə, zərərli proqram təminatı hər 1,2 saniyədə hücum həyata keçirib.

Adətən zərərli faylların yüklənildiyi “URL” ünvanlarından məlum olub ki, virus həqiqətən məlum güclü botnetlə bağlılığa malikdir: məlumatlarda “Mirai” və onun “Sora” modifikasiyası qeyd olunur.

Qeyd edək ki, bir neçə ay əvvəl “Fortinet” şirkətinin ekspertləri tərəfindən internetdə dünyanın ən böyük “Mirai” botnetinin “Mirai OMG” adlı yeni versiyasının aktivləşməsi açıqlanıb. Naməlum cinayətkarlar “Əşyalar interneti” qurğularını ələ keçirməklə yanaşı, onları proksi serverlərinə çeviriblər.  

Nizam Nuriyev





Baxış sayı: 224

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 Fevral 2019

16 02 2019

16/02/19
Süni intellekt “feyk xəbərlər” yazmağı öyrənib

“OpenAI” qeyri-kommersiya tədqiqat təşkilatı “feyk xəbərlər”in hazırlanması üçün “GPT2” adlı s&am

16/02/19
Dünyada ilk “5G”-kinoteatr istifadəyə verilib

Norveçin “Telia” mobil rabitə operatoru Osloda “Odeon” kino mərkəzi ilə birgə 

16/02/19
“Samsung” şirkəti “Bixby” səs köməkçisini dəstəkləyən ən nazik planşetini təqdim edib

“Samsung” şirkəti “Galaxy Tab S5e” planşetini təqdim edib