12px13px15px17px
Tarix:23/01/19

“WhatsApp”ın fəaliyyətində qlobal nasazlıq yaranıb

“WhatsApp” messencerinin istifadəçiləri nasazlıqla üzləşiblər.

“ICTnews” Elektron Xəbər Xidməti “Rambler” resursuna istinadən yazır ki, messencerin fəaliyyətində problemlər çərşənbə axşamı dünyanın bir sıra ölkələrində müşahidə edilməyə başlayıb. Bu barədə populyar internet resurslarının işini izləyən “Downdetector” resursu məlumat verib.

Məlumata görə, “WhatsApp”da nasazlıqla rastlaşan istifadəçilərin əksəriyyəti (41 faiz) bağlantı ilə bağlı problemin olmasını bildirib. 35 faiz məlumatların göndərilməsi və qəbulu, daha 23 faiz avtorizə zamanı çətinliklərlə üzləşib.

Nasazlıqdan daha çox Böyük Britaniya, Niderland, Almaniya, İsveçrə, Avstriya və İspaniya, eləcə də ABŞ, Meksika, Braziliya və Çili sakinləri şikayət ediblər.

Nizam Nuriyev





Baxış sayı: 517

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024