TƏHLÜKƏSİZLİK

Tarix:02/02/19

“Apple” şirkəti “FaceTime” proqramında aşkar edilmiş boşluğu aradan qaldırıb

ABŞ-ın “Apple” şirkəti səsli və videozənglər üçün “FaceTime” proqramında kənar şəxsə başqalarının danışığına qulaq asmağa imkan verən boşluğu aradan qaldırıb.

“ICTnews” Elektron Xəbər Xidməti “iz.ru” saytına istinadən yazır ki, müvafiq yeniləmə gələn həftə istifadəçilər üçün əlçatan olacaq. Şirkətin nümayəndələri, həmçinin “Apple” cihazlarından istifadə edən istifadəçilərə bu barədə məlumat verdikləri üçün təşəkkür edib, bundan başqa, sözügedən boşluq nəticəsində zərər dəymiş şəxslərdən üzr istəyib.

Şirkət nümayəndələri, həmçinin bildiriblər ki, şirkət səhv haqqında xəbər tutan kimi, dərhal “FaceTime”də qrup zəngləri funksiyasını deaktiv edib və problemin həlli ilə məşğul olub.

Emil Hüseynov

Baxış sayı: 866