TƏHLÜKƏSİZLİK

Tarix:08/02/19

DDoS hücumların sayı 13% azalıb

"Kasperski laboratoriyası" 2018-ci ildə dünyada DDoS hücumların sayının 13% azalması haqqında məlumat verib. Bu halda belə kiberhücumlar daha mürəkkəb hal alıb.

“ICTnews” Elektron Xəbər Xidməti “dailycomm.ru” saytına istinadən yazır ki, ekspertlər dəqiqləşdiriblər ki, qarışıq hücum və HTTP fludun (hücum edən bot qurbanın serverinə çoxlu sayda HTTP sorğu yaradır) müddəti artmaqdadır. Bu o deməkdir ki, hakerlər daha mürəkkəb metodlardan istifadə edirlər.

DDoS hücumların ucuz qiymətə başa gəlməsi onu ən əlçatan kiberhücum növlərindən biri edir. "Kasperski Laboratoriyası"nın ekspertləri qeyd edirlər ki, daha çox şirkət DDoS hücumların sadə növlərindən qorunmaq üçün həllər tətbiq edir və 2019-cu ildə hakerlər DDoS-a qarşı standart müdafiə tədbirlərini dəf etmək üçün öz biliklərini daha da təkmilləşdirəcək.

2018-ci ilin əvvəli ilə müqayisədə hücumların orta müddəti 2 dəfədən çox artaraq 218 dəqiqəyə yaxınlaşıb.

Emil Hüseynov

Baxış sayı: 459