12px13px15px17px
Tarix:10/12/19

İnternet fırıldaqçılarının sayı artıb

"Kasperski laboratoriyası" şirkəti internetdə fırıldaqçıların fəallığının artmasını əks etdirən tədqiqatın nəticələrini açıqlayıb.

 

"ICTnews" Elektron Xəbər Xidməti "DailyComm" resursuna istinadən yazır ki, şirkət 2018-ci ilin iyun-dekabrında istifadəçilərin fırıldaqçı resurslara keçmək üçün 2,7 milyon cəhdinin qarşısını alıb. Bir il sonra bu göstərici 36,7 milyonadək artıb. Ekspertlər tərəfindən hər ay istifadəçilərin aldadılması və onlardan pul alınması üçün yaradılan 2 minə yaxın sayt aşkarlanır.

 

İstifadəçilərə daha çox aksiyada iştirak və ya sorğudan keçmək üçün mükafat, sosial ödənişlər və s. vəd edilir. Lakin vəd edilmiş məbləğin alınması üçün istifadəçi "komissiya" və ya "təyin edilmiş pulu" ödəməli olur. Bu məbləğ adətən 3,15 dollar təşkil edir.

 

Son nəticədə istifadəçiyə pul ödənilmir, "komissiya" isə fırıldaqçıların cibinə gedir. Bundan əlavə, istifadəçi ödəniş zamanı ödəniş məlumatlarını daxil etdikdə onların təhlükəsizliyini riskə qoyur. "Komissiya" ödəmək xahişi dərhal yox, istifadəçi tərəfindən pulun necə idarə ediləcəyi bildirildiyi mərhələdə olunur.

 

2019-cu ildə fırıldaqçılar fəaliyyət dairəsini genişləndirib: indi onlar elektron poçtla yanaşı, sosial şəbəkələr, videoservis, bloq və s. istifadə edirlər.

 

Nizam Nuriyev





Baxış sayı: 622

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024