TƏHLÜKƏSİZLİK

Tarix:11/09/20

Rusiyada Kibercinayətkarlıqla mübarizə üzrə idarələrarası işçi qrupu yaradılıb

Rusiyada informasiya cinayətlərinə qarşı mübarizə çərçivəsində Xarici İşlər Nazirliyi, Daxili İşlər Nazirliyi, Federal Təhlükəsizlik Xidməti, İstintaq Komitəsi və Ədliyyə Nazirliyinin nümayəndələrindən ibarət idarələrarası işçi qrupu yaradılıb. Bu barədə Rusiya Baş prokuroru İqor Krasnov “Kommersant” qəzetinə müsahibədə bildirib.

“ICTnews” Elektron Xəbər Xidməti “SecurityLab www.securitylab.ru” resursuna istinadən yazır ki, Baş prokuror deyib: “Beynəlxalq əməkdaşlığın fəallaşmasını tələb edən ən aktual problemlərdən biri bütün dünyada, o cümlədən Rusiyada informasiya cinayətinin – informasiya-kommunikasiya texnologiyalarından istifadə ilə törədilən cinayət qəsdlərinin əhəmiyyətli dərəcədə artmasıdır. Bu amillə effektiv mübarizə üçün mənim əmrimlə prokurorlarla yanaşı, Xarici İşlər Nazirliyi, Daxili İşlər Nazirliyi, Federal Təhlükəsizlik Xidməti, İstintaq Komitəsi və Ədliyyə Nazirliyinin nümayəndələrindən ibarət idarələrarası işçi qrupu yaradılıb”.

Qeyd olunur ki, qrupun fəaliyyət dairəsinə bütün hüquq-mühafizə orqanlarının kibercinayətlərlə mübarizə işinin əlaqələndirilməsi, eləcə də informasiya-kommunikasiya texnologiyalarından cinayətkar məqsədlərlə istifadəyə qarşı beynəlxalq konvensiya haqqında layihə üzrə vahid Rusiya mövqeyinin formalaşdırılması daxildir. İ.Krasnovun sözlərinə görə, bu sənəd BMT mütəxəssislərindən ibarət xüsusi hökumətlərarası komitə tərəfindən hazırlanır.

Nizam Nuriyev

Baxış sayı: 883