12px13px15px17px
Tarix:16/01/12

Yaponiyanın kosmik agentliyi virusa yoluxub

Yaponiyanın “Jaxa” kosmik agentliyindən verilən məlumata görə, naməlum kompyuter virusu idarənin bir sıra kompyuterlərini yoluxdurub. Bu isə potensial olaraq qapalı informasiyanın itirilməsinə gətirib çıxara bilərdi.

İdarədən bildiriblər ki,  mütəxəssislər hələ yanvarın 6-da ziyanverici proqram təminatını əməkdaşlardan birinin kompyuterində aşkar ediblər. Ziyanverici proqram təminatının analizindən sonra təyin edilib ki, virus məlumat toplamaq ilə məşğuldur.

“Jaxa”-dan qeyd ediblər ki, idarə virusun kompyuterlərə necə düşməsi və bunun arxasında kimlərin dayanması haqqında informasiyaya malik deyil.

“Jaxa” kosmik agentliyinin rəsmi bəyanatında bildirilir ki, artıq idarədə  bütün şifrələrin dəyişilməsi və informasiya təhlükəsizliyinə olan tələblərin kəskinləşməsi prosesi gedir. Həmçinin “Jaxa” genişmiqyaslı İT-audit və hərtərəfli antivirus yoxlamaları  həyata  keçirir.




Baxış sayı: 1494

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024