TƏHLÜKƏSİZLİK

Tarix:24/01/12

Avropa İttifaqı məlumatların mühafizəsi haqqında qanuna düzəlişləri müzakirə edir

Avropa İttifaqı hakimiyyəti məlumatların mühafizəsi haqqında qanunu sərtləşdirməyi planlaşdırır. Qanuna edilən yeni düzəlişlərdə məlumatlara edilən müdaxilədən və oğurluqdan ziyan çəkmiş şirkətlərə xüsusi diqqət yetiriləcək.

Düzəlişlər layihəsinə əsasən, belə hallarda onlar məlumat sızması baş verdikdən sonra sutka ərzində hakimiyyət və maraqlı şəxsləri məlumatlandırmalıdırlar.

Bundan başqa, istifadəçilərin şirkətlərdən öz məlumatlarını tamamilə ləğvini tələb etmək, eləcə də fərdi informasiyanı bir təşkilatdan digərinə asanlıqla daşımaq imkanı olacaq.

İnformasiyanın mühafizəsi haqqında qanunu pozan şirkətlərə qarşı ümumi mədaxilin 1 faizi məbləğində cərimə tətbiq ediləcək. Məlumatların mühafizəsi üzrə yeni qaydalar haqqında yanvarın 25-də elan ediləcəyi planlaşdırılır, -"Vesti" yazır.

Gözlənildiyinə görə, Aİ qanunvericiliyində həyata keçirilən yenilik "Facebook", "Google", sosial şəbəkələr, "bulud" xidmətləri, elektron billinq sistemləri və digər onlayn servislər üçün ciddi nəticələrə səbəb olacaq.

Bununla belə, yeni qaydalara 2 il ərzində yenidən baxıla bilər, habelə internet-şirkətlər üçün onlar 2014-cü və ya 2015-ci ildən tez qüvvəyə minməyəcək.

Baxış sayı: 1593