TƏHLÜKƏSİZLİK

Tarix:16/02/12

Rusiyanın antivirus proqram təminatı istehsalçısı hesabat verib

Rusiyanın antivirus proqram təminatının aparıcı istehsalçılarından biri olan "Kasperski Laboratoriyası" 2011-ci ilin maliyyə nəticələri barədə məlumat verib. Belə ki, ötən il şirkətin ümumi mədaxili 612 milyon dollar təşkil edib və 2010-cu il üzrə anaoloji göstəriciləri 14 faiz ötüb. Gəlir artımı bütün regionlarda nəzərə çarpıb.

“IDC” şirkətinin proqram təminatı və informasiya təhlükəsizliyi bazarı üzrə analitiki Pyotr Qorodetskiy qeyd edib ki, 2011-ci ildə şirkətin maliyyə vəziyyətinin yaxşılaşmasının əsas səbəbi biznesin korporativ seqmentdə inkişafı olub. Şirkət bazara yeni məhsullar təqdim edib və biznes üçün yeni xidmət spektri təklif edib.

Eyni zamanda, "Kasperski Laboratoriyası" 2011-ci ildə bir neçə iri müqavilə bağlayıb.
2012-ci ilin yanvar ayında “Gartner” analitik şirkəti "Kasperski Laboratoriyası"nı rəsmən “Endpoint Protection Platforms” (son qurğuların müdafiəsi üçün həllər) kateqoriyasında yerləşdirib.

EMİL

Baxış sayı: 1584