12px13px15px17px
Tarix:17/05/12

Azərbaycanda da Ümumdünya Telekommunikasiya və İnformasiya Cəmiyyəti Günü qeyd olunub

Rabitə və İnformasiya Texnologiyaları Nazirliyində (RİTN) ənənəvi olaraq 17 may - Ümumdünya Telekommunikasiya və İnformasiya Cəmiyyəti Gününə həsr olunmuş tədbir keçirilib. Bu tarixin 2006-cı ildən başlayaraq hər il qeyd olunduğunu deyən rabitə və informasiya texnologiyaları nazirinin müavini İltimas Məmmədov növbəti tədbirin "İKT-də qadınlar və qızlar" mövzusuna həsr edilməsini təqdirəlayiq hal kimi dəyərləndirib: "Bu mövzu dünyada qadın və qızların İKT-dən istifadəsinə şərait yaratmaq, gender bərabərsizliyinin aradan qaldırılması məqsədi daşıyır.

Texnologiyalardan yanlış istifadə yanlış nəticələrə yol açdığından təbliğat işlərinin düzgün istiqamətlənməsi başlıca məsələdir. Azərbaycanda da İKT-dən, onun yaratdığı geniş imkanlardan daha səmərəli şəkildə faydalanmaq üçün maarifləndirmə işləri aparılır.  Bu sahədə ölkədə elektron xidmətlərin təşkili ilə bağlı verilən qərar və sərəncamlar, aparılan tədbirlər günün mövzusu ilə birbaşa səslənir.

Qadın və qızlarımız bu xidmətlərdən nə qədər geniş istifadə edərlərsə, o qədər də öz hüquqlarını daha çox tələb edə bilərlər. Bu ildən hər bir kəndə optik xətlərin çəkilməsi, kəndlərin yüksəksürətli internetlə təmin olunması qərara alınıb ki, bu da hər bir ölkə vətəndaşının elektron xidmətlərdən istifadəsini daha da genişləndirəcək".

Ailə, Qadın və Uşaq Problemləri üzrə Dövlət Komitəsinin (AQUPDK) sədr müavini Sədaqət Qəhrəmanova da son 10 ildə ölkədə İKT sahəsində ciddi uğurların əldə olunduğunu vurğulayıb: "Bu gün kommunikasiyalardan istifadə yolu ilə dünya kiçilir. Hər bir evdar qadın evdə oturmaqla dünyanın istənilən məkanı ilə əlaqə saxlamaq imkanlarına malikdir. Amma onlar üçün bu şəraiti yaratmaq lazımdır.

Zorakılığa məruz qalan qadınlarımız texnologiyalardan istifadə edib, istənilən quruma yardım üçün müraciət edə bilərlər. Hazırda komitə Sabirabadda Qadın Resurs Mərkəzinin yaradılması ilə bağlı layihə həyata keçirir.

Bu layihə çərçivəsində qadınların maarifləndirilməsi nəzərdə tutulur. İKT sahəsinin qadın və qızlarımız üçün nə qədər önəmli olmasını gündəmə gətirməliyik. Kəndlərdə yaşayan xanımlarımız İKT-dən istifadə etməklə daha çox inkişaf edə bilərlər".

Daha sonra müxtəlif təqdimatlarla davam edən tədbir adları AQUPDK tərəfindən RİTN-ə təqdim edilən 8 qadının, eləcə də ali məktəb tələbələri arasında informatika üzrə olimpiada qaliblərinin mükafatlandırılması ilə başa çatıb.
 
Həqiqət İSABALAYEVA




Baxış sayı: 927

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






09 Aprel 2020

09/04/20
“5G” mesajlar standartı təqdim ediləcək

Çinin üç ən böyük operatoru “China Mobile”, “China Telecom” və “China Unicom” t

08 04 2020

08/04/20
Azərbaycan internetin nüfuz səviyyəsinə görə Cənubi Qafqaz və Orta Asiya regionunun lideridir

Azərbaycan internetin nüfuz səviyyəsinə görə Cənubi Qafqaz və Orta Asiya regionunda lider mövqeyində qərarlaşıb.  

08/04/20
“Microsoft” dünyada ən təhlükəli domeni satın alıb

“Microsoft” şirkəti dünyada ən təhlükəli hesab edilən “corp.com” domenini satın alıb. “Windows” əm

08/04/20
“OnMail” xidməti elektron poçt qutularının əsas problemini həll edəcək

Messencerlərin populyarlaşmasına baxmayaraq, elektron poçt xidmətləri əvvəlki kimi əsas internet ünsiyyət

08/04/20
Koronavirus pandemiyasına görə “Computex” sərgisi təxirə salınıb

Rəqəmli texnologiyalar dünyasında növbəti populyar illik sərgi koronavirus pandemiyasına görə təxirə salınıb.

08/04/20
“Samsung Galaxy S7” və “Galaxy S7 Edge” üçün proqram yeniləmələrinin buraxılışı dayandırılıb

“Samsung” şirkəti 2016-cı ilin qabaqcıl smartfonları “Galaxy S7” və “Galaxy S7 Edge” üçün p

08/04/20
“Microsoft” ilk tətbiqi kvant kompüter yaradan startapa investisiya qoyub

“Microsoft” şirkəti bir neçə ildir kvant kompüterlər üzərində çalışır. Ötən il şirkət kvant hesablamala

08/04/20
Elastik “Samsung Galaxy Z Flip” smartfonunun “5G” versiyası buraxılacaq

Elastik ekranla təchiz edilən innovativ “Samsung Galaxy Z Flip” smartfonunun hazırkı versiyası yalnız “4G

08/04/20
“Microsoft” 2021-ci ilin iyulunadək bütün tədbirləri onlayn rejimdə keçirəcək

Koronavirus pandemiyası texnologiya şirkətlərini 2020-ci ilin yaz və yay aylarına planlaşdırılmış ictimai

08/04/20
Çin ilk dəfə patent müraciətlərinin sayına görə ABŞ-ı ötüb

Çin tarixdə ilk dəfə olaraq Ümumdünya Əqli Mülkiyyət Təşkilatına verilmiş beynəlxalq patent müraciətlərin

08/04/20
Pandemiya dövründə ən populyar haker hücumları məlum olub

“Trend Micro Incorporated” şirkəti koronavirus (COVID-19) pandemiyası dövründə kibertəhlükələr haqqında y