12px13px15px17px
Tarix:08/10/12

Rabitə və İnformasiya Texnologiyaları Nazirliyində kollegiya iclası keçirilib

Rabitə və İnformasiya Texnologiyaları Nazirliyində (RİTN) Azərbaycan Respublikası Prezidentinin fərman və sərəncamlarının, o cümlədən dövlət proqramlarında RİTN-ə aid olan bəndlərin icrası ilə bağlı kollegiya iclası keçirilib. Kollegiya iclasını giriş sözü ilə açan rabitə və informasiya texnologiyaları naziri Əli Abbasov Azərbaycan Respublikası Prezidenti cənab İlham Əliyevin sərəncam və fərmanlarının, dövlət proqramlarının iqtisadiyyatın bütün sahələri, o cümlədən rabitə və informasiya texnologiyalarının inkişafı üçün geniş imkanlar yaratdığını bildirib, həmçinin, İKT sahəsində uğurla həyata keçirilən islahatlar, gələcək böyük layihələr və perspektivlərdən söz açıb.

Xüsusən “Elektron imza və elektron sənəd haqqında” qanuna, “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında" Azərbaycan Respublikası Prezidentinin 2011-ci il  23 may tarixli 429 nömrəli Fərmanına toxunaraq, ölkədə gedən “Elektron hökumət” quruculuğu istiqamətində RİTN tərəfindən icrası nəzərdə tutulan tədbirlərin sürətləndirilməsinə diqqət çəkən nazir bu istiqamətdə görülən işlərin, eləcə də əhalinin elektron xidmətlərdən istifadəsinin maksimum sadələşdirilməsini və zəruri olan bütün tədbirlərin sürətləndirilməsinin vacibliyini nəzərə çatdırıb, o cümlədən dövlət proqramlarında əks olunan tədbirlərin icrasına RİTN-in müvafiq qurumları tərəfindən töhfə verilə biləcəyini qeyd edib.

Sonra çıxış edən məruzəçilər ölkədə elektron imzanın tətbiqi sahəsində RİTN tərəfindən aparılan işlər barədə məlumat verərək qeyd ediblər ki, dövlət orqanlarının elektron imza ilə təmin edilməsi məqsədilə nazirlik tərəfindən qurulan Açıq Açar İnfrastruktur sayəsində bu günə qədər 28 quruma 2078 ədəd elektron imza verilib.

Bildirilib ki, Azərbaycanda elektron imza vəsiqəsi alınması prosedurları, eləcə də  vətəndaşların “Elektron hökumət” portalına daxil olma imkanları üçün müvafiq işlər həyata keçirilir. Bundan başqa, “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” Azərbaycan Respublikası Prezidentinin Fərmanına uyğun olaraq, RİTN-ə aid elektron xidmətlərin inzibati reqlamentlərinin hazırlanması təmin edilib, “Elektron Hökumət Dövlət İnformasiya Sistemi” layihəsi çərçivəsində dövlət orqanlarının məlumat bazaları və informasiya sistemlərinin inteqrasiyası, vətəndaşların müraciətlərinin dövlət orqanlarına çatdırılması, həmçinin, elektron xidmətlərin “bir pəncərə” prinsipi əsasında təşkili və istifadəsini təmin etmək məqsədilə “Elektron hökumət” şlüzü və “Elektron hökumət” portalı (http://www.е-эоv.аz/) yaradılıb. Həmçinin qeyd edilib ki, bu gün “Elektron hökumət” portalının fəaliyyəti yalnız təqdim edilən ümumi xidmətlərin konkret sayı ilə məhdudlaşmır. Belə ki, “e-gov” mərkəzi icra hakimiyyəti orqanları, eləcə də yerli özünüidarəetmə orqanlarının və  informasiya sistemlərində fərdi məlumatlar formalaşdıran özəl sektor tərəfindən müvafiq sahələr üzrə göstərilməsi nəzərdə tutulan elektron xidmətlərin sayından daha çox, hətta bir neçə min elektron xidmətin fəaliyyətinin təmin edilməsi üçün yetərli infrastruktura malikdir.

Kollegiyaya yekun vuran nazir Azərbaycan Respublikası Prezidenti cənab İlham Əliyevin imzaladığı fərman və sərəncamlar sayəsində ölkədə informasiya-kommunikasiya texnologiyaları sahəsində sürətli inkişafa nail olunduğunu bir daha vurğulayaraq,  “Azərbaycan 2020: gələcəyə baxış” İnkişaf Konsepsiyasında İKT-nin xüsusi diqqət mərkəzində olduğunu və gələcək illərdə bu sahənin ölkə iqtisadiyyatında mühüm təkanverici amillərdən birinə çevriləcəyinə əminliyini ifadə edib, eləcə də mühüm əhəmiyyət kəsb edən layihələrin icrasının daha da sürətləndirilməsini, yeni layihə və təkliflərin, xüsusən də gəncliyin inkişafında növbəti mərhələnin təmin edilməsi məqsədilə respublika prezidenti tərəfindən imzalanan “Azərbaycan gəncliyi 2011-2015-ci illərdə” Dövlət Proqramında informasiya texnologiyaları vasitəsilə gənclər arasında innovativ düşüncənin təşviq edilməsi məqsədilə Azərbaycanın “onlayn fikir bankı”nın yaradılmasını, eləcə də Qarabağa aid mərkəzləşdirilmiş internet resurs bazasının yaradılması məqsədilə “Virtual Qarabağ” adlı İnformasiya-Kommunikasiya Texnologiyaları Mərkəzinin təşkili məsələsinin müzakirəyə çıxarılmasını vurğulayıb.

Bütün bunlarla yanaşı, nazir bu sahədə nöqsan və çatışmazlıqlara da toxunaraq, Bakıətrafı, ümumilikdə respublikanın bütün kənd və qəsəbələrində rabitə, telekommunikasiya, poçt, radio, televiziya xidmətlərinin göstərilməsində mövcud problemlərin qısa müddətdə aradan qaldırılması, həmçinin müvafiq fərman və sərəncamlarla, o cümlədən dövlət proqramlarında nazirliyin üzərinə düşən vəzifələri əks etdirən və müvafiq bəndlər üzrə müəyyənləşən tədbirlərin birmənalı şəkildə icrası üçün müvafiq tapşırıqlar verib, eləcə də elektron imzanın verilməsi və “Elektron hökumət” portalına girişin sadələşdirilməsi üçün qərar qəbul edilib.




Baxış sayı: 1066

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






05 İyun 2020

05/06/20
Dünyada ən yığcam şırnaqlı printer təqdim edilib

“Selpic” şirkəti yığcam çap texnikalarının istehsalçısı kimi tanınır. Bu yaxınlarda şirkət tərəfindən təq

05/06/20
Bill Qeyts bəşəriyyətin çipləşdirilməsi ilə bağlı ittihamlara cavab verib

“Microsoft” korporasiyasının təsisçisi, milyarder və filantrop Bill Qeyts vaksinləşdirmə vasitəsilə bəşər

05/06/20
Poçt şöbələrinin fəaliyyəti məhdudlaşdırılır

Azərbaycan Respublikası Nazirlər Kabinetinin Bakı, Sumqayıt, Gəncə, Lənkəran şəhərlərinin və Abşeron rayo

05/06/20
Gecəgörmə kameralı ilk smartfon işıq üzü görüb

“Oukitel” şirkəti infraqırmızı gecəgörmə kamerası ilə təchiz edilən “Oukitel WP7” adlı dünyanın ilk smart

05/06/20
“iPhone” üçün fırıldaqçı proqramlar aşkar edilib

“AppStore” internet mağazasında 3 fırıldaqçı VPN proqram aşkar edilib. “Avast” şirkətinin

05/06/20
“Windows 7” sisteminin bazar payı açıqlanıb

Genişləndirilmiş dəstəyi 14 yanvar 2020-ci ildə dayandırılan “Windows 7” ən populyar əməliyyat sistemləri

05/06/20
“Honor 8S” smartfonu nümayiş olunub

Çinin texnoloji nəhəngi “Huawei” Böyük Britaniyada “Honor 8S” smartfonunu təqdim edib. Ucuz qurğular si

04 06 2020

04/06/20
“SpaceX” qlobal internet layihəsi üçün əlavə 60 peyk orbitə çıxarıb

“Falcon 9” raketdaşıyıcısı “Starlink” qlobal internet layihəsi üçün əlavə 60 peyk orbitə

04/06/20
“Rəqəmli Qızlar – Milli Təlim Proqramı” çərçivəsində keçiriləcək onlayn təlimlərə qeydiyyat başlayıb

Nəqliyyat, Rabitə və Yüksək Texnologiyalar Nazirliyinin və YUNESKO-nun təşəbbüsü və dəstəyi, 

04/06/20
“Apple” şirkəti ABŞ-da etirazlar zamanı oğurlanmış “iPhone” smartfonlarını bloklayıb

“Apple” şirkəti ABŞ-da iğtişaşlar zamanı soyğunçular tərəfindən oğurlanmış smartfonları bloklayır. Bu haq

04/06/20
“Zoom” müxtəlif ölkələrin təhlükəsizlik qüvvələri ilə əməkdaşlıq etmək niyyətini açıqlayıb

“Zoom” müxtəlif ölkələrdə təhlükəsizlik qüvvələri ilə əməkdaşlıq etmək niyyətini açıqlayıb. Şirkətin əsas

04/06/20
Yeni “Nokia” televizoru nümayiş olunub

Bu gün 43 düym diaqonallı yeni “Nokia Smart TV” modelinin təqdimatı keçirilib.

04/06/20
“Lenovo Chromebook Flex 3i” noutbukunun ekranı 360 dərəcə dönür

“Lenovo” şirkəti “Chrome OS” əməliyyat sisteminin idarəetməsi ilə işləyən “Chromebook Flex 3i” adlı

04/06/20
“Samsung” şirkəti “5G” dəstəkli smartfonlar üçün yeni “OLED” ekran təqdim edib

“Samsung Display” şirkəti məxsusi olaraq beşinci nəsil mobil rabitə şəbəkələrini (5G) dəstəkləyən smartfo

04/06/20
“Chromium” mühərrikinə əsaslanan yeni “Microsoft Edge” brauzeri “Windows 10” istifadəçilərinə əlçatan olub

Hələ 2015-ci ildə təqdim edilmiş “Microsoft Edge” brauzeri uzun müddət “Internet Explorer”in yeni tərtiba

04/06/20
“Samsung Galaxy Note 20 Ultra” modelinin ilk fotoşəkilləri dərc edilib

“SM-N986U” model nömrəli “Samsung” smartfonu bu yaxınlarda “Bluetooth SIG” təşkilatında sertifikasiyada