TƏHLÜKƏSİZLİK

Tarix:09/04/13

Azərbaycan informasiya təhlükəsizliyi üzrə iclasda iştirak edəcək

Azərbaycan Regional Rabitə Birliyinin (RRB) informasiya təhlükəsizliyi üzrə komissiyasının iclasında iştirak edəcək.

"ICTnews" xəbər xidmətinin RRB-nin saytına istinadən verdiyi məlumata əsasən, 14-15 may tarixlərində Moskvada keçiriləcək tədbirdə ölkəmizi Rabitə və İnformasiya Texnologiyaları Nazirliyinin nümayəndələri təmsil edəcəklər.

Komissiyanın iclasında MDB ölkələrinin 2015-ci ilədək informasiya cəmiyyətinin inkişafı üzrə əməkdaşlıq strategiyasının icrası, MDB ölkələrinin internet şəbəkəsində etibarlı transsərhəd mühitinin yaradılması, informasiya təhlükəsizliyinin təmin edilməsi məsələləri müzakirə ediləcək.

İclasla paralel olaraq mayın 14-dən 17-dək Moskvada "Svyaz -Exspokom" telekommunikasiya avadanlığı, idarəetmə sistemləri, informasiya texnologiyaları və rabitə xidmətləri üzrə 25-ci beynəlxalq sərgi keçiriləcək.

Sərgidə Azərbaycan Rabitə və İnformasiya Texnologiyaları Nazirliyinin stendi də fəaliyyət göstərəcək.

Aynur Vəliyeva

Baxış sayı: 723