12px13px15px17px
Tarix:25/08/11

STİV COBS – SEVİMLİ VƏ ZÖVQSÜZ

Anadan olduğu tarix: 24 fevral 1955 (yaş 56) ABŞ-ın Kaliforniya ştatının San-Fransisko şəhəri,

Məşğuliyyət: “Apple” şirkətinin yaradıcısı, “Uolt Disney” şirkətinin İdarə heyətinin üzvü 

Əməkhaqqı: 1 Amerika dolları

Xüsusi kapital: 5.5 milyard (2010)

Din: Buddizim  



Şəxsi həyat: Laurene Pauellə evlidir, 4 övladı var.



Stiven Pol – biz isə onu Stiv Cobs kimi tanıyırıq. 24 fevral 1955-ci ildə ABŞ-ın San-Fransisko şəhərində anadan olub. Amerikanın ən işgüzar maqnatıdır. Eyni zamanda məşhur “Apple” şirkətinin həmtəsisçisidir.
Bu günə qədər o həm də “Apple”-ın baş icraçı direktoru idi. Onun icraçı direktor vəzifəsindən istefası İT sənayesində şok-effekti yaratdı desək, yanılmarıq. Dünya mətbuatı “Əfsanəvi rəhbər getdi” başlığı ilə onun gedişini şərh etməyə çalışdı.
Əslində isə onun gedişi nə qədər təəccüblü idisə, bir o qədər də gözlənilən idi. Yazının davamında buna aydınlıq gətirməyə çalışacağıq.
İndi isə gəlin İT sənayesinin nüfuzlu simasının ömür yoluna və fəaliyyətinə nəzər salmağa davam edək.
İnformasiya texnologiyaları sektorunda çalışan hər kəs bilir ki, Stiv biznesdə çox uğurludur və o, "Silikon vadisi" sahibkarının əsas obrazlarından biridir. Stiv Cobs 1976-cı ildə dostu Stiven Voznyakla birlikdə “Apple” şirkətini yaradaraq adını qətiyyətlə tarixə yazmağa müvəffəq oldu. 1985-ci ildə şirkəti tərk edən Cobs şəxsi “NeXT Computer” şirkətini qurur. Lakin 1996-cı ildə yenidən “Apple”-ın “başı”na keçən Cobs səmərəli fəaliyyəti nəticəsində kompyuter bazarında şirkətin xüsusi payını əhəmiyyətli dərəcədə artırır.


TƏRCÜMEYİ-HALI BARƏDƏ MƏLUMATLAR OLDUQCA KASAD OLAN MƏŞHUR

Stiv Cobs özünün şəxsi həyatına dair məlumatları qısqanccasına ictimaiyyətdən qorumağı ilə tanınır və onun tərcümeyi-halı barədə məlumatlar olduqca kasaddır.
Cobsun həyatı haqqında dörd min sözlük məqalə dərc edən “Sandi Tayms” qəzeti nəşri dayandırmaq üçün “Apple” şirkəti tərəfindən müxtəlif təzyiqlərlə üzləşmişdi. Ona görə də keçən il  qaraciyər köçürməsi barədə Cobsun özünün ictimaiyyətə məlumat verməsi böyük səs-küy yaratmışdı. Amma builki xəbərlərdən məlum olur ki, Cobsun şəxsi təşəbbüsü ilə onun tərcümeyi-halı yazılır və yaxın müddətə kitab halında oxucuların ixtiyarına veriləcək.

RƏSMİ BİOQRAFİYASININ YAZILMASINA ÖZÜ RAZILIQ VERİB

“Nyu-York Tayms” qəzetinin verdiyi məlumata görə, Stiv Cobs rəsmi bioqrafiyasının yazılmasına özü razılıq verib. Bu bioqrafiyanı tanınmış jurnalist və yazıçı Volter Ayzekson yazır, Cobs isə öz növbəsində bütün zəruri informasiyaları onunla həvəslə bölüşür.
Bioqrafiyanın müəllifi olan Volter Ayzekson keçmişdə məşhur “Taym” jurnalında redaktor işləyib, bundan öncə isə Eynşteyn və Bencamin Franklin haqqında bestseller kitablar yazıb.

SƏHHƏTİ ONA İMKAN VERMƏDİ


Bir müddət əvvəl qara ciyərində problem olan Cobsa yeni ciyər nəql edilmişdir. Bu səbəbdən də, o, beş aylıq məzuniyyət götürmüşdü. Həmin vaxt şirkətin əməkdaşlarına elektron poçt vasitəsi ilə göndərilmiş məktubda S.Cobs öz qərarını “işdən müvəqqəti kənarlaşmaq və səhhəti ilə məşğul olmaq” istəyi ilə izah etmişdi.
Qeyd edək ki, Stiv Cobsun səhhətinin pisləşməsi barədə şayiələr uzun müddətdir gəzir. Bununla belə, o, dəfələrlə ölümcül xəstə olması və bu səbəbdən ənənəvi olaraq “Apple”-ı tərk etməsi ilə bağlı şayiələri təkzib edib. “Həkimlər hesab edirlər ki, səbəb hormonal disbalansdır ki, buna görə də mənim bədənimdə normal həyat tərzini təmin edən zülal çatışmamazlığı müşahidə olunur”, - deyə S.Cobs qeyd edib.
“Apple” rəhbərinin ağır xəstə olması haqqında ilk şayiələr, onun növbəti çıxışa arıqlamış halda gəldiyindən sonra yayılmışdır. Dekabr ayının ortasında “Apple” nümayəndələri bəyan etmişlər ki, 2009-cu ildə şirkət “Macworld”-da son dəfə iştirak edəcək. Həmin vaxtda şirkət qeyd etmişdir ki, bu tədbirdə Stiv Cobsu “Apple”-ın marketinq üzrə vitse-prezidenti Filip Şiller əvəz edəcək. Stiv Cobs indiyədək heç bir “Macworld”-u buraxmadığına görə onun xəstəliyi haqqında şayiələr daha kəskin yayılmağa başlamışdı. Və məhz bu şayiələr S.Cobsu açıq məktub yazmağa vadar etmişdi. Onun sözlərinə görə, əgər o, nə vaxtsa öz səlahiyyətlərini yerinə yetirə bilməyəcəksə, bu barədə dərhal Direktorlar şurası məlumatlandırılacaq. “Apple” rəhbəri hələ o vaxt bildirmişdi ki, onun ofisdə fiziki yoxluğu heç də işlərdən tam kənarlaşması deyil. “İcraçı direktor kimi mən məzuniyyətdə olduğum zaman əsas strateji qərarların qəbulunda iştirak etməyi planlaşdırıram”, - deyə, S.Cobsun ötən il yazdığı məktubunda qeyd olunur.
O özü haqqında danışılmasını sevməsə də, kütləvi informasiya vasitələri ictimaiyyət üçün maraqlı olan bu şəxs haqqında məlumat yaymaqdan vaz keçmir. Belə ki, bir müddət dünya mətbuatını Stiv Cobsun illik məvacibi ilə bağlı maraqlı məlumatlar zəbt etmişdi. Çünki onun əməkhaqqı öz orijinallığı ilə seçilirdi. Belə ki, onun illik məvacibinin məbləği cəmi 1 ABŞ dolları təşkil edir. Artıq icraçı direktora, əvvəlki illərdəki kimi, yüzminlərlə və ya milyonlarla dollarlıq bonus da verilmir.
Misal üçün, 2008-ci ildə S.Cobsun bonuslarının məbləği 871 min dollar olmuşdur. 2009-cu ildə isə o, cəmi 4 min dollar şəxsi təyyarəsi ilə uçuşlara görə kompensasiya alıb. Şirkətin rəhbəri şəxsən bonuslardan imtina edərək, onun payına düşən mükafatların digər top-menecerlərə verilməsini istəyib.

KÜTLƏNI CANLANDIRMAQ BACARIĞINA MALIK XARIZMATIK LİDER

Onun rəhbərlik etdiyi kollektivin 97 faizi bu mövqedə “Apple” rəhbərini dəstəkləyib. Belə ki, S. Cobsa tabeliyində olan əməkdaşları tərəfindən ən maraqlı xarakteristika verilib – “kütləni canlandırmaq bacarığına malik, olduqca xarizmatik bir lider”. Doğrudan da, “Apple” korporasiyasının işıq üzü görən istənilən yeni məhsulu bazara daim özünəməxsus ajiotajla çıxır.

XIRDA DƏYƏRLƏRƏ BÖYÜK YANAŞMA

Məşhurların iş həyatı ilə yanaşı, onların şəxsi həyatları da həmişə insanlar üçün maraqlı olur. Özünün uğurlu biznes karyerası ilə gündəmdən düşməyən Cobsun yaşam tərzi olduqca sadə elementləri özündə ehtiva edir. Deyilənə görə, 1984-cü ildə Cobs özünə 17 000 kvadratmetrlik, 14 yataq otağı olan malikanə alıb. O, on il ərzində bu böyük evdə yaşayıb. Məlumatlara görə, o, qonaq otağında köhnə, sevimli “BMW” motosiklini saxlayırmış. Stivin sevimli motosiklindən hətta ABŞ-ın eks-prezidenti Bill Klinton belə istifadə edib.

SEVİMLİ VƏ ZÖVQSÜZ

O, adətən qara, uzunqollu köynəklərdən və göy cins şalvarlardan, eləcə də “krassovka”lardan istifadə edir. “GQ” jurnalının təşkil etdiyi reytinq cədvəlində “Silikon Vadisinin 15 ən zövqsüz geyinən biznesmeni” arasında Cobsun ikinci yeri tutması onun geyim tərzi ilə əlaqədardır. Jurnalda zarafatca qeyd ediblər ki, “Apple” hər yarım saniyədən bir “iPhone” istehsal edir, lakin öz rəhbərini “yeniləməyi” heç cür bacarmır.
Bütün bu maraqlı xüsusiyyətlərlə yanaşı, o həm də vegeteriandır. Yəni heç bir ət yeməklərindən istifadə etməyi sevmir.
Cobs “Dell” kompyuter şirkətinin baş icraçı direktoru Maykl Dellə “soyuq müharibə” aparır. Bu iki şəxs zaman-zaman yeni istehsal etdikləri məhsulları tənqid edirlər. Beləliklə, onlar arasında soyuq münasibət illərdir davam edir.

MÜƏLLİF: Zamirə İLQAR





Baxış sayı: 3937

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






14 Dekabr 2019

14/12/19
“Samsung” 1 milyon qatlanan smartfon satıb

Elastik ekranlı qatlanan “Samsung Galaxy Fold” smartfonunun satış həcmi 

14/12/19
Meksikada 3D printerdə dünyada ilk rayon çap edilib

“New Story” qeyri-kommersiya təşkilatı dünyada ilk dəfə olaraq 3D printerdə 

14/12/19
“Nokia C1” smartfonu təqdim edilib

“Nokia” brendinə sahib olan “HMD Global” şirkəti “Android 9 Go” əməliyyat 

13 12 2019

13/12/19
“Apple” şəkillərin keyfiyyətini yüksəltmək üçün startapı satın alıb

ABŞ-ın “Apple” korporasiyası Britaniyanın “Spectral Edge” startapını satın alıb. Startap tərəfindən hazır

13/12/19
Gələcəyin əsas internet təhdidləri açıqlanıb

Kibertəhlükəsizlik sahəsində işləyən mütəxəssislər 2020-ci ildə istifadəçiləri kiberməkanda gözləyən təhd

13/12/19
“Panasonic” Yaponiyada rəqəmli "Belosnejka güzgüsü" quraşdırıb

Yaponiyanın “Panasonic” şirkəti tərəfindən “KOSE” kosmetika mağazasında quraşdırılmış "ağıllı" güzgü

13/12/19
“Windows 7” sistemində antivirusun yenilənməsi dayandırılacaq

“Microsoft” korporasiyası 14 yanvar 2020-ci il tarixində “Windows 7” əməliyyat sisteminin idarəetməsi ilə

13/12/19
Başqasının “iPhone” modelini bloklayan üsul aşkarlanıb

“iPhone” smartfonları üçün “AirDrop” funksiyasında qurğunu uzun müddət bloklamağa imkan verən

13/12/19
Yenilənmiş “Your Phone” əlavəsi telefon zəngləri etməyə imkan verəcək

“Microsoft” şirkəti “Your Phone” mobil əlavəsini yeniləyərək fərdi kompüterlərdən telefon zənglərinin

13/12/19
“Əşyaların interneti”ni əvəzləyəcək texnologiya məlum olub

“Ericsson” şirkəti istehlak texnologiyaları sahəsində əsas yeniliklərə həsr edilən illik tədqiqatın nətic

13/12/19
“Apple” korporasiyası köhnə “iPhone” üçün yeniləmə çıxarıb

“Apple” şirkətinin 2013-cü il istehsalı olan smartfonunda və başqa qurğularda sistem yeniləməsi həyata

13/12/19
“Samsung” şirkəti “Galaxy A51” smartfonunu təqdim edib

“Samsung” şirkəti “Galaxy A50” smartfonunun varisini təqdim edib.

13/12/19
“Samsung” şirkəti “Galaxy A71” smartfonunu təqdim edib

“Samsung” şirkəti “Galaxy A51”dən sonra yeni “Galaxy A71” modelini təqdim edib.