12px13px15px17px
Tarix:13/09/11

KEROL BARTS – SƏRİŞTƏSİZ LİDER

Kerol Barts 1948-ci ilin avqust ayının 29-da ABŞ-ın Minnesota ştatının Uinone şəhərində anadan olub. Onun 8 yaşı olarkən anası vəfat edir.

Kerol və kiçik qardaşı Viskonsin ştatının Elma şəhərinə gələrək baba və nənəsinin himayəsi altında yaşayırlar.

O, orta məktəbi və kolleci bitirdikdən sonra Viskonsin Universitetinə daxil olur və uşaqlıqdan çox sevdiyi riyaziyyat ixtisas istiqaməti üzrə təhsil alır.

1971-ci ildə universiteti bitirərək kompyuter elmləri sahəsində bakalavr pilləsinə yiyələnir. Qeyd edək ki, Barts hələ kollecdə oxuyarkən maddi imkansızlıq səbəbindən ofisiant işləməyə başlayıb.

Kerol Barts müxtəlif dövrlərdə “3M” holdinqində, “Digital Equipment Corporation” və “Sun Microsystems” şirkətlərində fəaliyyət göstərib, “Cisco Systems” və “İntel” Direktorlar Şurasının üzvü olub.

O, 1992-ci ildən 2006-cı ilədək - 14 il ərzində “Autodesk” şirkətinin Direktorlar Şurasının sədri, şirkətin icraçı direktoru və prezidenti kimi fəaliyyətini davam etdirib.

Həmin dövrdə “Autodesk” fantastik nəticələrə nail olub və İT sahəsində liderlər sırasında qərar tutub. 1992-ci ildə 285 milyon dollar gəliri olan şirkət 2006-cı ili 1,523 milyard gəlirlə başa vurub.

2009-cu ilin 13 yanvarında “Yahoo”-nun icraçı direktoru təyin olunandan sonra şirkət internetdə axtarış sahəsində “Microsoft” ilə uzunmüddətli əməkdaşlıq barədə anlaşma sazişi imzalamağa müvəffəq olub.

Saziş çərçivəsində “Microsoft” 10 il müddətinə “Yahoo”-nun bütün axtarış texnologiyalarına eksklüziv lisenziya əldə edib.

“Microsoft”un yeni axtarış servisi olan “Bing” isə “Yahoo”-nun bütün saytlarında istifadə olunur. Bu zaman “Yahoo” bunun əvəzinə hər iki şirkətin resurslarında əsas reklam verənlərə axtarış reklamı satmaq imkanı əldə edir.

Analitiklər bu sazişi 1,5 il bundan əvvəlki vəziyyətin solğun təsviri adlandırırdılar. Çünki həmin vaxt “Microsoft” “Yahoo”-nun əldə olunması üçün 47,5 milyard ABŞ dolları təklif etmişdi.

Lakin “Yahoo”-nun əvvəlki icraçı direktoru Cerri Yanq buna razılıq verməmişdi. Hazırkı razılaşma isə “Google” ilə mübarizə üçün bağlanılmış tərəfdar sazişidir.

Bu sazişin bağlanmasına baxmayaraq “Yahoo” əvvəlki mövqeyini bərpa edə bilmədi. Hazırda şirkət həm təklif olunan xidmətlərdə, həm də keyfiyyətli və operativ fəaliyyətinə görə “Google” şirkətinə uduzub.

Şirkətin fəaliyyətində kəskin şəkildə geriləmə müşahidə olunduğuna görə bir neçə gün bundan əvvəl Barts vəzifəsindən kənarlaşdırılıb.

O, “Fortune” jurnalına müsahibə verərək bildirib ki, Direktorlar Şurasının sədri Roy Bostoka bir mövzu ilə əlaqədar özü zəng edib.

O, dəstəyi götürən kimi Bartsın işdən çıxarılması ilə əlaqədar hazırlanmış sənədi oxuyub. Telefon söhbətindən sonra Bartsa iki saat vaxt veriblər ki, ya özü könüllü şəkildə istefa verməlidir, ya da Direktorlar Şurasının qərarı ilə qovulacaq.

Onu da qeyd etmək lazımdır ki, cari ilin ikinci rübündə “Yahoo” şirkətinin ümumi qazancı illik hesablama üzrə 23% azalaraq 1,22 milyard dollar təşkil edib.

“Yahoo” nümayəndələri bildiriblər ki, real qazanc 1,07 milyard dollar təşkil edib. Bu da keçən ilin ikinci rübü üzrə göstəricidən 5% aşağıdır.

Həmin vaxt Kerol Barts yaranmış vəziyyətin səbəbini şirkətin reklamlarına olan tələbatın azalmasında görərək bildirmişdi: “Biz gəlirin azalması ilə rastlaşdıq.

Söhbət 2011-ci ilin ikinci rübündəki göstəricilərdən gedir. Bu vəziyyət bizim şirkətimizin strukturunun yenidən təşkil edilməsinə səbəb oldu, amma bu, reklam biznesinin kəskin artmasına gətirib çıxaracaq”.

Lakin vəziyyət Bartsın istədiyi kimi müsbət istiqamətə dəyişmədi. Bu da onun “Yahoo”-dan uzaqlaşdırılması ilə nəticələndi. Barts Nyu-Cersi Texniki İnstitutunun, Vuster Politexnik İnstitutunun və Uilyam Vuds Universitetinin fəxri doktoru seçilib.

“Fortune” jurnalının tərtib etdiyi “biznesin 50 ən nüfuzlu qadını” siyahısında yer alıb. Əsas hobbiləri qolf, tennis və bağçılıqdır.



Baxış sayı: 1831

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






10 Aprel 2020

09 04 2020

09/04/20
“Virtual hackathon”a qeydiyyat bu gün başa çatır

“Global Virtual Hackathon” müsabiqəsində iştirak üçün qeydiyyat bu gün Bakı vaxtı ilə saat 21:00-da

09/04/20
Kvadrokameraya və tutumlu akkumulyatora malik “Samsung Galaxy A21” smartfonu təqdim edilib

“Samsung” şirkəti yeni “Galaxy A21” smartfonunu təqdim edib.

09/04/20
“WhatsApp” messencerinin “Android” versiyasında qabaqcıl axtarış funksiyası əlçatan olacaq

“Facebook”a məxsus “WhatsApp” messenceri yeni faydalı funksiya istifadəyə verməyə hazırlaşır. Sözügedən f

09/04/20
İnnovativ sprey istənilən səthi sensora çevirir

Massaçusets Texnologiya İnstitutunun nəzdində İnformatika və Süni İntellekt Laboratoriyasının (CSAIL) müh

09/04/20
“Twitter” rəhbəri koronavirusla mübarizəyə 1 milyard dollar ianə edəcək

“Twitter” mikrobloqlar servisinin təsisçisi və rəhbəri Cek Dorsi koronavirus pandemiyası ilə mübarizəyə 1

09/04/20
Yeni “Huawei Smart Screen X65” televizoru təqdim edilib

“Huawei” şirkəti qabaqcıl “Smart Screen X65” televizorunu nümayiş etdirib.

09/04/20
Yeni texnologiya “5G” şəbəkələrində zənglərin keyfiyyətini yüksəldir

“OPPO” şirkəti “Ericsson” və “MediaTek” ilə birgə beşinci nəsil şəbəkələrində səsli və videozənglərin

09/04/20
“Azərpoçt” MMC vətəndaşlara səyyar xidmət göstərir

Nəqliyyat, Rabitə və Yüksək Texnologiyalar Nazirliyinin tabeliyindəki “Azərpoçt” MMC koronavirus (COVİD-1

09/04/20
Yaponiya istehsalın Çindən köçürülməsi üçün 2,2 milyard dollar ayırıb

Yaponiya hökuməti şirkətlərin istehsalın Çindən köçürülməsinə kömək məqsədilə 2,2 milyard dollar

09/04/20
“CERN”də koronavirusla mübarizə üçün işçi qrupu yaradılıb

Avropa Nüvə Tədqiqatları Təşkilatı (CERN) dünya ictimaiyyətinin koronavirus pandemiyası ilə apardığı müba

09/04/20
“5G” mesajlar standartı təqdim ediləcək

Çinin üç ən böyük operatoru “China Mobile”, “China Telecom” və “China Unicom” t