12px13px15px17px
Tarix:02/12/14

“Əşyaların interneti”nin bütün aspektləri “Bakutel-2014” sərgi-konfransı çərçivəsində müzakirə olunur

Bu gün öz işinə başlayan  "Bakutel-2014" Azərbaycan Beynəlxalq Telekommunikasiya və İnformasiya Texnologiyaları Sərgi-Konfransı çərçivəsində "Əşyaların interneti - Internet of Things" adlı beynəlxalq forum keçirilir.
 

Sözügedən tədbir Azərbaycan Respublikası Rabitə və Yüksək Texnologiyalar Nazirliyinin təşkilatçılığı, Beynəlxalq Telekommunikasiya İttifaqı və  Ümumdünya İqtisadi Forumunun dəstəyi ilə baş tutur.  Tədbirin əsas sponsoru qismində "Intel" korporasiyası çıxış edir.
 

Tədbir iştirakçıları milli və beynəlxalq iqtisadiyyatlarda rolu və əhəmiyyəti dayanmadan artan "Əşyaların interneti" ilə bağlı məsələləri müzakirə edirlər.    
 

Konfransın məqsədi "Əşyaların interneti"nin bütün aspektləri üzrə  müzakirələr aparmaq, məlumat və təcrübə mübadiləsini təmin etməkdir.
 

Tədbirdə iştirak edən aparıcı dövlət ekspertləri, iş adamları, elm işçiləri və qeyri-hökumət təşkilatlarının nümayəndələri gələcək əməkdaşlıq perspektivlərini araşdırır və vacib  kibertəhlükəsizlik məsələlərinə dair  əsas anlayışları təqdim edirlər.
 

"Əşyaların interneti"  hər hansı bir obyektin onun ölçüsü və ya təbiətindən asılı olmayaraq rabitə məkanına inteqrasiyasını təsvir edən ifadədir. Kütləvi ictimai transformasiya yaradan  "Əşyaların interneti"nə maraq son bir neçə il ərzində bütün dünyada durmadan artıb.
 

İnternetin növbəti inkişaf mərhələsində bizi əhatə edən bütün faydalı əşyaların (məişət avadanlıqlarının, elektrik cihazlarının, gündəlik istehlak mallarının, nəqliyyat vasitələrinin, istehsal qurğularının, əmək alətlərinin, informasiya daşıyıcılarının, tibbi ləvazimatların, mühafizə və nəzarət sistemlərinin, bitki və heyvanat aləminin) bu qlobal şəbəkəyə qoşulması, "Əşyaların interneti" konsepsiyasının bir hissəsidir. "Əşyaların interneti" termini ilk dəfə 1999-cu ildə Massaçusets Texnologiya İnstitutunun Auto-ID laboratoriyası tərəfindən RFID (radiotezlik identifikasiyası) texnologiyaları vasitəsi ilə İnternetə qoşulan obyektlərin şəbəkəsini ifadə etmək üçün işlədilib. Bu şəbəkədə təkcə insanlarla əşyalar arasında deyil, həmçinin əşyaların öz aralarında da qarşılıqlı əlaqələrin qurulması nəzərdə tutulur.

"Əşyaların interneti"  – kompüter, internet və mobil telefon rabitəsindən sonra informasiya texnologiyaları sənayesinin növbəti inqilabi inkişaf mərhələsi kimi xarakterizə olunur. Bu konsepsiya reallaşacağı təqdirdə yaxın gələcəkdə bizi əhatə edən bütün faydalı əşyalar İP ünvanına malik olacaq. Proqnozlara görə, cəmi 3-5 ildən sonra "Əşyaların interneti" hər yerdə və hərtərəfli şəkildə insanların həyat tərzinə daxil olaraq, onu əhəmiyyətli dərəcədə dəyişəcək. Ekspertlərin qiymətləndirmələrinə görə, "Əşyaların interneti"nin istifadəçilərinin sayı 2 milyard nəfərə, sektorun dünya iqtisadiyyatına töhfəsi 1,7 trilyon ABŞ dollarına çatacaq.

 

2019-cu ilədək IoT sektoru həcminə görə smartfon, fərdi kompüter, planşet, daşınan qurğular və "ağıllı" avtomobillər bazarını iki dəfədən çox üstələyəcək və  2020-ci ilə qədər bütün dünyada İnternetə qoşulan terminalların sayı 50 milyarda çatacaq.

Bu istiqamətdə şəbəkənin reallaşdırılması ilə cəmiyyətdəki bir sıra mühüm problemlərin həlli proqnozlaşdırılır. O cümlədən, tibbi xidmətlərin keyfiyyətinin yüksəldilməsi, ictimai təhlükəsizliyin daha etibarlı şəkildə təmin edilməsi, idarəetmə proseslərinin təkmilləşdirilməsi məsələləri öz həllini tapacaq.   Bütövlükdə, "Əşyaların interneti" texnologiyalarının uğurla reallaşdırılması insanların həyat şəraitinin yaxşılaşdırılmasına, yeni və daha əlverişli iş yerlərinin açılmasına, biznes üçün yeni imkanların yaranmasına, istehsalda məhsuldarlığın və rəqabətədavamlılığın artmasına gətirib çıxaracağı gözlənilir. 





Baxış sayı: 1534

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






04 İyul 2020

04/07/20
“EvilQuest” virusu “macOS” sistemində faylları şifrləyir

“Malwarebytes” şirkətinin təhlükəsizlik üzrə mütəxəssisləri “macOS” üçün faylları şifrlə

04/07/20
“Motorola One Fusion” smartfonu “HD plus” ekranı ilə təchiz olunub

Orta səviyyəli “Motorola One Fusion” smartfonunun rəsmi təqdimatı keçirilib.

04/07/20
“MacOS” sistemi ilə işləyən “iPhone” smartfonunun sınaqları keçirilir

“Apple” şirkəti “Galaxy” smartfonları üçün “Samsung Dex” dok-stansiyasını (birləşdirici qur

03 07 2020

03/07/20
“Honor 30 Lite” smartfonu rəsmən təqdim edilib

“Huawei” şirkətinə məxsus “Honor” brendi 90 hers yeniləmə tezlikli ekran və “MediaTek Dimensity 800

03/07/20
Yaponiyada piyadalara smartfondan istifadə etmək qadağan edilib

Yaponiyanın Yamato şəhərində piyadalara smartfondan istifadə qadağan edilib. Bu davranış təhlükəli hesab

03/07/20
Yeni “OnePlus” televizorları nümayiş olunub

“OnePlus” şirkəti Hindistanda yeni televizorlar seriyası təqdim edib. Seriyaya üç model – “HD” təsvir<

03/07/20
“Şərq Tərəfdaşlığı” ölkələrinin Telekommunikasiya Tənzimləyiciləri Şəbəkəsinin 15-ci plenar iclası keçirildi

“Şərq Tərəfdaşlığı” (ŞT) ölkələrinin Telekommunikasiya Tənzimləyiciləri Şəbəkəsinin (EaPeReg) 15-ci plena

03/07/20
Elektron tullantıların həcmi dünya əhalisindən üç dəfə daha sürətli artır

Beynəlxalq Telekommunikasiya İttifaqının (BTİ) yeni hesabatına əsasən, 2019-cu ildə 53,6 milyon ton kompü

03/07/20
Smartfonlar üçün akkumulyatorların rüblük satış həcmi 5% yüksəlib

“Strategy Analytics” tədqiqat şirkəti smartfonlar üçün qlobal akkumulyatorlar bazarında artım qeydə alınm

03/07/20
“MediaTek” prosessoru qabaqcıl televizorlarda istifadə ediləcək

“MediaTek” şirkəti “ağıllı” televizorlarda istifadə üçün nəzərdə tutulan yeni prosessor nümayiş et

03/07/20
“Sony” şirkətinin adı dəyişib

“Sony” səhmdarlarının ötən həftənin cümə günündə keçirilən illik iclasında şirkətin adının “Sony Gr

03/07/20
“Xiaomi Mi TV Master” televizoru “OLED” ekranla təchiz edilib

Çinin “Xiaomi” şirkəti “Mi TV Master Series” adlı yeni “ağıllı” televizorlar seriyası təqdim edib. Se