12px13px15px17px
Tarix:18/02/15

Nazir “Caspian European Club”-un təşkilatçılığı ilə keçirilən “Biznes forum”da iştirak edib

“Caspian European Club”-un təşkilatçılığı, rabitə və yüksək texnologiyalar naziri Əli Abbasovun iştirakı ilə Bakıda “Biznes forum” keçirilib.
 
Özəl sektor nümayəndələrinin qatıldığı forumda nazir Əli Abbasov Azərbaycanda gedən ümumi iqtisadi artım fonunda informasiya-kommunikasiya texnologiyaları (İKT) istiqamətinin roluna toxunaraq, ölkə iqtisadiyyatında baş verən inkişafın İKT sahəsində bir çox nailiyyətlərin əldə olunmasına şərait yaratdığını bildirib.
 
Sektor üzrə dayanıqlı, dinamik inkişaf tendensiyasının 2014-cü ildə də  davam etdiyini vurğulayan nazir ildən-ilə artan göstəricilərə görə beynəlxalq reytinqlərdə Azərbaycanın ön yerlərə qalxdığını, o cümlədən Dünya İqtisadi Forumunun “Qlobal İnformasiya Texnologiyaları 2014” hesabatında ölkəmizin “Şəbəkələşmə Hazırlığı İndeksi”nə görə 49-cu yerə yüksəldiyini nəzərə çatdırıb. Qarşıya qoyulan prioritetlərdən də söz açan Ə.Abbasov rəqəmli iqtisadi sektorun gələcək inkişafında yüksək texnologiyalara əsaslanan, ixrac potensialının gücləndirilməsinə yönələn innovativ, rəqabətə davamlı məhsul və xidmət istehsalının əsas hədəflərdən olduğunu bildirib. İnnovativ inkişaf modelinin reallaşması üçün ölkəmizin iqtisadi siyasətində artıq bir neçə əsaslı addımların atıldığını da xatırladan nazir xüsusən son illər elmi-texniki və sənaye parkları şəbəkəsinin yaradıldığını, bu parklarda xüsusi  iqtisadi rejim, o cümlədən güzəştli vergi və gömrük şərtlərinə əsaslanan yüngülləşdirilmiş işgüzarlıq mühitinin formalaşdırılmasına başlanıldığını qeyd edib. İnnovativ sahibkarlığın inkişafı məqsədilə maliyyə resurslarına çıxışın asanlaşdırılmasından da söz açan nazir Azərbaycan kimi daxili bazarı kiçik olan ölkələrdə bazarın genişləndirilməsinin də vacib şərtlərdən olduğunu diqqətə çatdırıb.
 
 
Çıxışdan sonra “Caspian European Club”-un İcraiyyə Komitəsinin qərarına əsasən, nazir Əli Abbasovun klubun fəxri üzvü seçildiyi elan edilib. Üzvlük sertifikatını nazirə “Caspian European Club”-un baş icraçı direktoru Telman Əliyev təqdim edib. Daha sonra forum nazir və İT sektorunu təmsil edən özəl qurumların nümayəndələri arasında dialoq şəklində davam etdirilib.
 
 
Qeyd edək ki, “Caspian European Club” regional təşkilat olaraq, 2002-ci ildə Xəzər-Qara dəniz regionunda fəaliyyət göstərən iri neft-qaz şirkətlərinin dəstəyi ilə yaradılıb.
 
 
“Caspian European Club”-un sədri Azərbaycan Respublikasının Prezidenti İlham Əliyevdir. Dünyanın 50 ölkəsindən təşkilat və 5 mindən artıq şirkəti öz sıralarında birləşdirən klub dövlət qurumları ilə özəl sektor arasında səmərəli dialoqun qurulması istiqamətində fəal iş aparır.
 
 
Həqiqət İSABALAYEVA



Baxış sayı: 1227

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






23 Fevral 2019

23/02/19
İlk brauzer yenidən istifadəyə verilib

İsveçrədə yerləşən Avropa Nüvə Tədqiqatları Mərkəzinin (CERN) tədqiqatçılar qrupu “WorldWideWeb

23/02/19
“KATIM R01” dünyada ən möhkəm smartfondur

“DarkMatter Group” şirkəti “KATIM R01” smartfonunu təqdim edib.

23/02/19
Dünya mobil internet trafikinin həcmi 1 zettabayta çatacaq

“Cisco” şirkəti 2022-ci ilədək dünya mobil internet trafikinin illik həcminin 1 zettabayta (270 bayt) 

22 02 2019

22/02/19
"İdeyadan Biznesə" layihəsi çərçivəsində Mingəçevirin ən yaxşı innovativ layihələri müəyyənləşib

"İdeyadan Biznesə" layihəsi çərçivəsində cari ilin ilk startap turu fevralın 21-də Mingəçevir şəhərində təşkil olunub

22/02/19
“Virtual Reallıq texnologiyalarının innovativ sahibkarlıqda tətbiqi” mövzusunda təlim keçirilib

22 fevral 2019-cu il tarixində Nəqliyyat, Rabitə və Yüksək Texnologiyalar Nazirliyinin yanında İnformasiya

22/02/19
“Galaxy S10+” smartfonunun “selfi”-kamerası “DxOMark” reytinqində birinci yeri tutub

Kameraların peşəkar müqayisəsi ilə məşğul olan tanınmış “DxOMark” xidmətinin sahibi olan “DxO Labs” 

22/02/19
Alaq otlarını tapıb məhv edən kənd təsərrüfatı robotu təqdim edilib

Avstraliyalı mühəndislər tərəfindən təqdim edilmiş “SwagBot” adlı kənd təsərrüfatı robotu kompüter 

22/02/19
“InSight” aparatı Marsın havası haqqında gündəlik məlumat verəcək

“InSight” stansiyası Qırmızı planetin havası haqqında gündəlik hesabatlar göndərəcək.

22/02/19
Kibertəhlükəsizliyin təmini üçün həllər bazarının həcmi 202,3 milyard dollara çatacaq

İnformasiya təhlükəsizliyi həlləri bazarının təhlilini aparan “Frost & Sullivan” beynəlxalq konsaltinq 

22/02/19
“WinRAR” proqramında 19 il mövcud olan səhv aşkarlanıb

“RAR” və “ZIP” formatlarında arxivlərin yaradılması və təşkili üçün istifadə edilən populyar “WinRAR

22/02/19
“Apple”ın innovasiya şirkətlərinin reytinqi üzrə mövqeyi zəifləyib

Bir il ərzində “Apple” şirkətinin innovasiya şirkətlərinin reytinqindəki mövqeyi zəifləyərək 1-ci yerdən