TƏHLİL

Tarix:24/01/12

Texnologiya nəhəngləri lobbiçilik fəaliyyətinə milyonlar xərcləyirlər

“Google” şirkəti keçən il lobbiçilik fəaliyyətinə öz xərclərini təxminən ikiqat artırıb və bu göstərici üzrə “Microsoft” korporasiyasını ötüb.

İnternet nəhəngi 2011-ci ildə ABŞ-da federal lobbiçilik fəaliyyətinə 9,68 milyon dollar xərcləyib, bu isə 2010-cu il ilə müqayisədə 88% artım deməkdir. Bu barədə şirkətin ABŞ Senatına təqdim etdiyi sənədlərdə qeyd olunub.

“Microsoft” korporasiyası isə öz növbəsində keçən il federal lobbiçilik fəaliyyətinə 7.34 milyon dollar xərcləyib və bu rəqəm 6% artım deməkdir.

Üçüncü yerdə 5.95 milyon dollar ilə “Hewlett-Packard” yerləşib. Dördüncü və beşinci yerləri bölüşdürən “Oracle”və “İBM” korporasiyaları lobbiçilik fəaliyyətinə müvafiq olaraq, 5.69 və 4.87 milyon dollar xərcləyiblər.

Baxış sayı: 1938