TƏDBİRLƏR

Tarix:02/02/12

“Azərpoçt” MMC-də Gənclər günü qeyd edildi

Hər il olduğu kimi, bu il də 2 fevral Gənclər bayramı bütün rabitə müəssisələrində olduğu kimi, “Azərpoçt” MMC-də də qeyd edilib. İlk olaraq təşkilatın üzvləri Fəxri Xiyabanda ümummilli lider Heydər Əliyevin məzarını ziyarət edib. Daha sonra Gənclər günü münasibətilə “Azərpoçt” MMC-də baş direktor Q.Bəybalayevin də iştirakı ilə gənclərlə görüş keçirilib.

İlk olaraq gəncləri bayram münasibətilə təbrik edən baş direktor onlara müəssisənin ictimai fəaliyyətində daha yaxından iştirak etməyi, öz bilik və bacarıqlarını daim artırmağı tövsiyə edib. Daha sonra məruzə ilə çıxış edən “Azərpoçt” MMC-nin Gənclər Təşkilatının sədri Rövşən Rüstəmov ötən bir il ərzində təşkilatın fəaliyyəti barədə hesabat verərək görülən işləri diqqətə çatdırıb.

Görüşdə bildirilib ki, son illər gənclərin MMC-nin fəaliyyətində və əldə etdiyi uğurlarda yaxından iştirakı hər kəsi sevindirir. Təkcə bir faktı demək kifayətdir ki, hal-hazırda MMC-nin aparatında olan rəhbər heyətin təxminən 25-30 faizi gənclərdən ibarətdir. Bu da 800-dən artıq üzvü özündə birləşdirən Gənclər Təşkilatının “Azərpoçt” MMC-nin fəaliyyətində aparıcı qüvvə olduğunu nümayiş etdirir.

Daha sonra fərqlənən gənclər MMC-nin fəxri fərmanları və pul mükafatı ilə mükafatlandırılmışdır.
Sonda Gənclər Təşkilatının 02 fevral Gənclər günü ilə bağlı bəyanatı oxunmuş, gənclərin bundan sonra da MMC-nin fəaliyyətində daha yaxından iştirak edəcəklərinə, öz bilik və bacarıqlarını daima təkmilləşdirərək hər zaman qabaqcıllar sırasında olacaqlarına əmin olduqları bildirilmişdir.

Baxış sayı: 1447