12px13px15px17px
Tarix:06/09/11

“Azərfon” şirkətinin İT üzrə baş direktoru Xəyyam Həsənli: “Azərbaycanın “İKT ölkəsi”nə çevrilməsi üçün adekvat tədbirlər həyata keçirilir”

Müsahibimiz “Azərfon” şirkətinin İT üzrə baş direktoru Xəyyam Həsənlidir.

- Azərbaycanda informasiya kommunikasiya texnologiyaları sektorunun inkişafını necə qiymətləndirirsiniz?

- Son zamanlar İKT sahəsinə Azərbaycan hökuməti tərəfindən göstərilən diqqət və qayğı sahənin inkişafına təkan versə də, hələ “İKT ölkəsi”nə çevrilməyimiz üçün müəyyən işlər görmək lazımdır.

Bunun üçün münbit şərait yaradılmalı və müvafiq tədris ocaqlarında mütəxəssislər hazırlanmalıdır. Hazırda hər iki sahədə bunun üçün adekvat tədbirlər həyata keçirilir.

Lakin dövlət strategiyasına uyğun olaraq müəyyən müddətdən sonra İKT gəlirlərinin neft və qaz gəlirlərini keçməsi üçün İKT sahəsində çalışan şirkətlərin daxili və xarici bazarlara çıxarmaq üçün kifayət qədər rəqabətə dayanıqlı məhsul və xidmət paketlərinin olması mütləq lazımdır.

- İKT sahəsində inkişaf hədəflərinə çatmaq üçün ölkədə kifayət qədər səriştəli kadrlar varmı? İT mütəxəssislərinin inkişaf imkanlarını necə dəyərləndirirsiz?

- Sevindirici haldır ki, artıq səriştəli kadrların ölkədən axını əvvəlki səviyyədə deyil. İndi yerli mütəxəssislər ölkədə fəaliyyət göstərən şirkətlərdə çalışmağa üstünlük verirlər.

Qururla deyə bilərəm ki, “Azərfon”da İT şöbəsi bütövlükdə yerli kadrlardan komplektləşdirilib. Amma buna baxmayaraq, yeni tələb olunan mütəxəssislərin tapılmasında çətinliklər olur.

Bunu aradan qaldırmaq üçün atılan ciddi addımlardan biri şirkətimizin İnsan Qaynaqları şöbəsi tərəfindən hazırlanmış “Yay təcrübə” proqramıdır. Bunun üçün ali təhsil ocaqları ilə sıx əlaqədə iş aparılır.

Çalışqan və bacarıqlı məzunlar təcrübəyə cəlb olunurlar. Təcrübəni müvəffəqiyyətlə keçmiş namizədlər işlə təmin olunurlar. Buna nümunə olaraq keçənilki təcrübə proqramını göstərmək olar.

Proqramın sonunda 1 nəfər İT departamentində işlə təmin olunub. Builki proqram çərçivəsində İT departamentində artıq 4 namizəd təcrübə keçməkdədir.

Bu tip proqramlar gənc mütəxəssislərin inkişafında mühüm rol oynayır. Sözsüz ki, cəmiyyətə biznes tərəfindən belə təkliflərin çox olması inkişaf imkanlarını daha da genişləndirir.

- İT mütəxəssislərini “Azərfon”da cəlb edən nədir?

- Düşünürəm ki, işləmək və bacarıqlarını göstərmək üçün, eyni zamanda mütəxəssislərə öz ixtisaslarını artırmaq üçün kifayət qədər müsbət mühit yarada bilmişik. Bunlar da hər bir məqsədli mütəxəssis üçün ən mühüm amillərdəndir.

Digər tərəfdən, bilirsiniz ki, müasir telekommunikasiya çox sürətlə və dinamik inkişaf edən sahədir. Bu inkişafın önündə də informasiya texnologiyalarının getdiyini nəzərə alsaq, qeyd olunan mühitdə işləmək və inkişaf etmək istəyini və həyəcanını başa düşmək olar.

- “Azərfon”un mobil rabitə bazarında mövqeyini necə görürsünuz?

- Rəqiblərinə nisbətən “Azərfon” ölkənin mobil bazarına xeyli gec daxil olsa da, ən sürətlə inkişaf edən mobil operator olaraq çox tez bir zamanda ciddi rəqibə çevrilmişdir. Bizim “Nar Mobile” ticarət nişanı özünün ən sərfəli, şəffaf və innovativ xidmət və məhsulları ilə tanınır. Şəbəkəmiz Azərbaycanın 80%-ni əhatə edir.

Bu il “Azərfon” şəbəkənin tam müasirləşməsinə daha 80 milyon dollar sərmayə yatırır. “Azərfon” daima ən yeni texnologiyaların tətbiqinə üstünlük vermişdir. İlk dəfə olaraq “Nar Mobile” manat əsaslı ödəmə sistemi tətbiq etmişdir.

Daha sonra Azərbaycanda ilk “3G” xidmətlərini, yəni sürətli mobil internet xidmətlərini “Azərfon” tətbiq etmişdir.

200.000-dən artıq abunəçimiz bu xidmətlərdən müntəzəm olaraq yararlanır. Bu texnologiyaların sayəsində şirkət bazara kifayət qədər yeniliklər gətirmişdir.

Müasir texnologiyaların tətbiqi ilə yanaşı, şirkət həm də abonentlərinə verdiyi xidmətlərin istifadə sadəliyinə, keyfiyyətinə və qiymət uyğunluğuna ciddi diqqət yetirməkdədir.

- İT sahəsində təhsil alan tələbələrə uğurlu karyera qurmaq üçün nə tövsiyə edərdiz?

- Bilirsiniz ki, informasiya texnologiyaları hal-hazırda çox “dəbdə” olan sahədir. Bu da ehtiyacdan irəli gəlir. Çünki hal-hazırda informasiya texnologiyalarından istifadə etməyən sahə yoxdur.

Bu da İT təhsili alan tələbələrə uyğun iş tapmaq üçün daha böyük imkanların olması deməkdir.

Buna baxmayaraq onu nəzərə almaq lazımdır ki, İT çox mürəkkəb və çoxşaxəli sahədir.

Hədəfdə olan şaxənin erkən və müvəffəqiyyətli seçimi gələcək mütəxəssislərin məqbul səviyyəyə daha tez çatmasına imkan verir. Tələbələrə bu seçimi etdikləri zaman çox diqqətli və təmkinli olmalarını tövsiyə edərdim.



Baxış sayı: 2390

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Oxşar xəbərlər

RASİM ƏLİQULİYEV: “Yerətrafı orbitdə milli peykimizin olması həm də qürur mənbəyidir”
Elektron müraciətlər dövlətin vətəndaşlarla ünsiyyətinin müasir formasıdır
Hüseynqulu Bağırov: “Ekologiya sahəsində müasir texnologiyaların tətbiqi olduqca müsbət nəticələr verə bilər”
Müşfiq Əmirov: “Jurnalistlər və mətbuat xidmətlərinin rəhbərləri bir-birinə hörmətlə yanaşmağı bacarmalıdırlar”
Professor Şəmsəddin Hacıyev: “Universitetimizdə iqtisadi təhsilin innovasiya modeli müvəffəqiyyətlə reallaşıb”
Rektor C.Cəfərov: “Turizm sektorunun inkişafını informasiya texnologiyaları olmadan təsəvvür etmək çətindir”
Azərbaycanın telekomunikasiya sistemində yeniliklər
Əli Həsənov: İranda keçirilən görüşlərdə qarşılıqlı anlaşma və bir-birinin daxili işinə müdaxilə etməmək kimi ortaq nöqtələr tapıldı
İnformasiya-kommunikasiya texnologiyalarının tətbiqi ARDNŞ-in əsas prioritetlərindəndir
2011-ci il Azərbaycanın İKT sektoru üçün uğurlu il hesab oluna bilər - nazir
İlham Əliyev: “Bu gün Azərbaycanda müasir texnologiyaların inkişafı, informasiya-kommunikasiya texnologiyaları sahəsi prioritetdir”
BTİ-nin Baş katibi Həmədun Ture: “İKT inkişafı baxımından Azərbaycanın liderliyi nümunə göstərilir”.
Müşfiq Əmirov: “Mobil cihazların qeydiyyat sisteminin yaradılması abunəçilərin mobil cihazlardan rahatlıqla istifadəsinə şərait yaradacaq”
Azərbaycanın vergilər naziri: “Bu ildən vergi və rüsumlar internet vasitəsilə ödəniləcək”






03 İyun 2020

02 06 2020

02/06/20
Avropanın 5 şəhərində sürücüsüz avtobuslar sınaqdan keçiriləcək

1,5 illik planlaşdırmadan sonra “FABULOS” şəhər avtobuslarının hərəkətinin avtomatlaşdırılması

02/06/20
Adil Qəribova və Arif Məmmədova “Şöhrət” ordeni təqdim edilib

Nəqliyyat, Rabitə və Yüksək Texnologiyalar Nazirliyində Dövlət Mülki Aviasiya Agentliyinin direktoru Arif

02/06/20
“Zoom” ödənişli tariflə şifrləmə texnologiyası reallaşdırır

“Zoom” video konfransları qeydiyyatdan keçmədən bütün istəyən şəxslərin iştirakı üçün açıla

02/06/20
“ZTE” şirkəti ucuz “5G” smartfonunu təqdim edib

“ZTE” şirkəti “MediaTek Dimensity 800” çipseti ilə təchiz edilmiş ucuz “Axon 11 SE

02/06/20
“Realme Smart TV” modelləri satışa çıxarılır

“Realme” şirkəti bu gün Hindistanda ilk “Realme Smart” televizorlarının satışına başlayır.

02/06/20
“Huawei Mobile WiFi 3” marşrutlayıcısı 16 qoşulmuş qurğunu dəstəkləyir

Çinin telekommunikasiya nəhəngi “Huawei” əsasən səyahətçilər üçün nəzərdə tutulan

02/06/20
Çinin yeni teleskopu UNO axtaracaq

Çin hökumətinin məlumatına görə, onlar sentyabrda yerdən kənar həyatın axtarışlarına başlayacaq. Bu məqsə

02/06/20
Yeni “iPhone” modellərinin istehsalına nə vaxt başlanacaq?

“Apple” şirkəti bu dəfə yeni nəsil “iPhone” smartfonlarını hər il olduğu kimi sentyabrda deyil, oktyabrda

02/06/20
“WhatsApp”da yeni fırıldaqçılıq sxemi aşkarlanıb

“WhatsApp” messencerinin istifadəçilərinə fırıldaqçılara onların hesablarını ələ keçirməyə imkan verən ye