12px13px15px17px
Tarix:12/07/17

Qlobal planşetlər bazarında azalma gözlənilir

“DigiTimes” analitik şirkətinin məlumatına görə, 2017-ci ilin ikinci yarısında qlobal planşetlər bazarında tələbat azalmağa davam edəcək və cihazların tədarükü aşağı düşəcək.
 
“ICTnews” Elektron Xəbər Xidməti “dailycomm.ru” saytına istinadən yazır ki, mənfi nəticələri azaltmağa çalışan bir neçə şirkət iyul-dekabrda çox yüksək təsvir ölçülü ekrana malik, aşağı enerji sərfiyyatlı və mobil internet dəstəkli yüksəksəviyyəli modellər çıxarmağı planlaşdırırlar. İstehsalçıların fikrincə, bu kimi xüsusiyyətlər alıcıları cəlb edəcək.
 
Eyni zamanda “IDC” analitik şirkətinin məlumatına əsasən, 2017-ci ilin birinci rübündə çıxarılıb taxılan ekrana malik hibrid modellər daxil olmaqla planşetlərin qlobal tədarük həcmi illik hesablamada 8,5% azalaraq 36,2 milyon təşkil edib. Planşet sahəsində azalma artıq on rüb ardıcıl baş verir.
 
“Gartner”in analitikləri hesab edirlər ki, cari ildə “Apple iPad” və “iPad mini”, “Samsung Galaxy Tab S2”, “Amazon Fire HD”, “Lenovo Yoga Tab 3”, “Acer Iconia One” kimi ənənəvi və hibrid planşet kompüterlərin tədarük həcmi 160 milyonadək azalacaq (2016-cı ildə bu göstərici 169 milyon olub). Növbəti iki ildə də neqativ dinamika davam edəcək: planşetlərin tədarükü 159 və 158 milyonadək azalacaq.
 
Emil Hüseynov




Baxış sayı: 340

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Yanvar 2018

20 01 2018