“Qətər kosmik sənaye üzrə milli mütəxəssislər hazırlanmasında Azərbaycan təcrübəsindən faydalana bilər”
Qətər Peyk şirkətinin əməliyyat direktoru, сənab Abdulla Əl Küvarinin "İCTnews" elektron xəbər xidmətinə müsahibəsi Bildiyimiz kimi, bu il həm Qətər, həm də Azərbaycan ilk peykini orbitə qaldıracaq. Azərbaycanın bu sahədə atdığı addımları necə qiymətləndirərdiniz?
İlk olaraq, mən Azərbaycan hökumətinə, xüsusilə Rabitə və İnformasiya Texnologiyaları Nazirliyinə bizə göstərdikləri diqqətə, qonaqpərvərliyə görə minnətdarlığımı bildirirəm. Ölkənizdə İKT sahəsi üzrə əldə olunan nailiyyətləri görməyimizə şadıq.
"Azərikosmos"da keçirdiyimiz görüşü xüsusi vurğulamaq istərdim. Görüşdə Azərbaycanın peyk layihəsi istiqamətində gördüyü işlər bizdə ciddi maraq oyatdı. Bildiyiniz kimi, peyk sisteminin qurulması üzrə eyni mərhələdəyik. Bu baxımdan bu sahədə birgə əməkdaşlığı və perspektivləri müzakirə etdik.
Azərbaycanın kosmik sənaye üzrə milli mütəxəssislər hazırlaması təqdirəlayiq haldır. Biz də mütəxəssislərimizi Amerika Birləşmiş Ştatlarına (ABŞ) və Asiyaya təlimlərə yollamışıq. Peykimiz də ABŞ-da hazırlanır. Lakin hesab edirəm ki, sizin milli kadrlar xaricdə daha çox təlimlər keçib. Bu baxımdan, bizim mütəxəssislər qarşılıqlı treninq və kurslara cəlb oluna bilər.
Hər iki peykin məlumat mübadiləsi aparması mümkündürmü?
Azərbaycan peykinin Qətərdə, Qətərin isə Azərbaycanda stansiyaları ola bilər. Biz əhatə dairəsi üzrə informasiya mübadiləsi də edə bilərik. Misal üçün, Qətər Azərbaycana Yaxın Şərq və Afrika, Azərbaycan isə Asiya qitəsindən məlumatı bizə ötürə bilər. Həmçinin hər iki ölkənin genişzolaqlı internet, rabitə, televiziya yayımı və sair sahələr üzrə əməkdaşlıq perspektivləri var.
Qətər öz coğrafi mövqeyindən mümkün qədər çox faydalanır. Azərbaycan tərəfi bu sahədə sizdən nə öyrənə bilər?
Bizim yüksək səviyyədə olan münasibətləri nəzərə alsaq, bütün sahələrdə təcrübə mübadiləsi aparmaq üçün münbit şərait mövcuddur. Qətərin əhalisi iki milyona yaxın olsa da, dünyada 80 milyon insan yerli rabitə şirkətinin xidmətindən istifadə edir. Sevindirici haldır ki, indi iki ölkə arasında birbaşa təyyarə uçuşları da var. Bütün bunlar təcrübə mübadiləsinə öz müsbət töhfəsini verəcək.
Baxış sayı: 769
© İstifadə edilərkən İctnews-a istinad olunmalıdır
Oxşar xəbərlər
- RASİM ƏLİQULİYEV: “Yerətrafı orbitdə milli peykimizin olması həm də qürur mənbəyidir”
- Elektron müraciətlər dövlətin vətəndaşlarla ünsiyyətinin müasir formasıdır
- Hüseynqulu Bağırov: “Ekologiya sahəsində müasir texnologiyaların tətbiqi olduqca müsbət nəticələr verə bilər”
- Müşfiq Əmirov: “Jurnalistlər və mətbuat xidmətlərinin rəhbərləri bir-birinə hörmətlə yanaşmağı bacarmalıdırlar”
- “Azərfon” şirkətinin İT üzrə baş direktoru Xəyyam Həsənli: “Azərbaycanın “İKT ölkəsi”nə çevrilməsi üçün adekvat tədbirlər həyata keçirilir”
- Professor Şəmsəddin Hacıyev: “Universitetimizdə iqtisadi təhsilin innovasiya modeli müvəffəqiyyətlə reallaşıb”
- Rektor C.Cəfərov: “Turizm sektorunun inkişafını informasiya texnologiyaları olmadan təsəvvür etmək çətindir”
- Azərbaycanın telekomunikasiya sistemində yeniliklər
- Əli Həsənov: İranda keçirilən görüşlərdə qarşılıqlı anlaşma və bir-birinin daxili işinə müdaxilə etməmək kimi ortaq nöqtələr tapıldı
- İnformasiya-kommunikasiya texnologiyalarının tətbiqi ARDNŞ-in əsas prioritetlərindəndir
- 2011-ci il Azərbaycanın İKT sektoru üçün uğurlu il hesab oluna bilər - nazir
- İlham Əliyev: “Bu gün Azərbaycanda müasir texnologiyaların inkişafı, informasiya-kommunikasiya texnologiyaları sahəsi prioritetdir”
- BTİ-nin Baş katibi Həmədun Ture: “İKT inkişafı baxımından Azərbaycanın liderliyi nümunə göstərilir”.
- Müşfiq Əmirov: “Mobil cihazların qeydiyyat sisteminin yaradılması abunəçilərin mobil cihazlardan rahatlıqla istifadəsinə şərait yaradacaq”
- Azərbaycanın vergilər naziri: “Bu ildən vergi və rüsumlar internet vasitəsilə ödəniləcək”
