12px13px15px17px
Tarix:23/08/11

Türkiyə ilə Azərbaycan arasında İKT sahəsində əməkdaşlığın inkişaf perspektivləri müzakirə olunmuşdur

Azərbaycanın rabitə və informasiya texnologiyaları naziri Əli Abbasov Ankarada səfərdə olmuşdur. Əli Abbasov Türkiyə paytaxtında ümummilli liderimiz Heydər Əliyevin adını daşıyan parka gələrək, ulu öndərin abidəsinin önünə çiçəklər qoymuş, əziz xatirəsini ehtiramla yad etmişdir.

Səfər çərçivəsində Əli Abbasov Türkiyənin elm, sənaye və texnologiya naziri Nihat Ergünlə görüşmüşdür. Nihat Ergün bildirmişdir ki, son illər iki qardaş ölkə arasında iqtisadi əlaqələr daha da möhkəmlənmiş, cari ildə ticarət dövriyyəsində nəzərəçarpacaq artım müşahidə olunmuşdur.

İki ölkə arasında ticarət dövriyyəsinin məbləği 1,65 milyard dollara çatmışdır və bu göstəricinin daha da artması gözlənilir. Onun sözlərinə görə, bu il yaradılmış Elm, Sənaye və Texnologiya Nazirliyi Azərbaycanın Rabitə və İnformasiya Texnologiyaları Nazirliyi ilə əməkdaşlıqda maraqlıdır. Xüsusilə, universitetlər arasında informasiya-kommunikasiya texnologiyaları üzrə birgə proqramların həyata keçirilməsi zəruridir.

Əli Abbasov Türkiyənin Baş naziri Rəcəb Tayyib Ərdoğanın Azərbaycana son səfəri zamanı əməkdaşlığın bütün sahələrdə, o cümlədən rabitə və texnologiyalar sahəsində inkişaf perspektivlərinin də müzakirə olunduğunu demişdir.

Bildirilmişdir ki, Ankaraya səfərindən əvvəl Azərbaycan Prezidenti İlham Əliyevə məruzə etmiş, dövlətimizin başçısı bir daha informasiya-kommunikasiya texnologiyaları sektorunun inkişafına verilən əhəmiyyəti vurğulamış, müvafiq tapşırıqlarını vermişdir.

Azərbaycan bu sahədə Türkiyənin təcrübəsindən faydalanmaq istəyir. Bakıda keçirilən “Bakutel” sərgiləri, ölkəmizin hər il İstanbulda təşkil olunan “Cebitt” sərgilərində iştirakı da bu baxımdan olduqca əhəmiyyətlidir. Azərbaycanın rabitə və informasiya texnologiyaları naziri Əli Abbasov Türkiyənin nəqliyyat naziri Binəli Yıldırımla da görüşmüşdür.

Görüşdə iki ölkə arasında rabitə, informasiya-texnologiyaları sahəsində əməkdaşlığın perspektivləri müzakirə olunmuşdur. Hər iki nazir əməkdaşlığın hazırkı səviyyəsindən məmnunluqlarını ifadə etmişdir. Görüşlərdə Azərbaycanın Türkiyədəki müvəqqəti işlər vəkili Ceyhun Zeynalov iştirak etmişdir.

Əli Abbasov səfər çərçivəsində Bilkənd Universitetində informasiya-kommunikasiya texnologiyaları sahəsində son nailiyyətlərə həsr olunmuş konfransda da iştirak etmişdir.



Baxış sayı: 1967

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Noyabr 2018

19/11/18
Beynəlxalq Telekommunikasiya İttifaqının Şurasına yenidən üzv seçilmək ölkəmiz üçün yeni imkanlar yaradır

Birləşmiş Ərəb Əmirliklərinin Dubay şəhərində Beynəlxalq Telekommunikasiya İttifaqının (BTİ) 20-ci Səlahiyyətli

19/11/18
ABŞ-da Kibertəhlükəsizlik Agentliyi yaradılıb

Ağ Evin rəhbəri  Kibertəhlükəsizlik və İnfrastrukturun Mühafizəsi Agentliyinin (Cybersecurity and Infrastructure 

19/11/18
“Huawei” “ağıllı” şəhər üçün "sinir sistemi" yaradıb

“Huawei” şirkətinin “+AI Digital Platform” platforması datçik, kamera və hakimiyyət orqanlarından toplanılmış 

19/11/18
Neyron şəbəkəsi biometrik sistemlərə müdaxilə üçün barmaq izlərini saxtalaşdırmağı öyrənib

Nyu-York Universiteti Politexnik İnstitutunun alimləri biometriya sistemlərinə müdaxilə məqsədilə neyron 

19/11/18
Yeni texnologiya smartfonların çox qızmasının qarşısını alacaq

Amerikalı mühəndislər tərəfindən hazırlanmış yeni texnologiya smartfon və başqa elektron qurğuların 

19/11/18
“Apple”ın rəhbəri “iPhone” smartfonundan daha az istifadə etməyə başlayıb

“Apple” korporasiyasının rəhbəri Tim Kuk öz “iPhone” smartfonundan daha az istifadə etməyə başladığını

19/11/18
Çin “Beidou” naviqasiya sisteminin yaradılmasını başa çatdırıb

Çin göyərtəsində iki “Beidou-3” naviqasiya peyki olan “Changzheng” raketdaşıyıcısının uğurlu 

18 11 2018