12px13px15px17px
Tarix:23/08/11

“İCANN”-ın növbəti konfransında Azərbaycan da iştirak edəcək

İnternet şəbəkəsində domen adların və nömrələrin verilməsi üzrə beynəlxalq təşkilatın (İCANN) 42-ci konfransı 24-28 oktyabrda Seneqalın Dakar şəhərində keçiriləcək. Azərbaycanın İnformasiya Problemləri üzrə Tədqiqat Mərkəzinin rəhbəri Yaşar Hacıyev bildirib ki, tədbirdə Azərbaycanın İnternet-cəmiyyətini “At-Large” Milli Təşəbbüs Qrupu təmsil edəcək.

Onun sözlərinə görə, konfrans çərçivəsində ".az" milli domenin paylaşdırılması və qeydiyyata alınması proseduraları və “At-Large” Milli Təşəbbüs Qrupu tərəfindən hazırlanmış domen adlarının qeydiyyatı ilə bağlı problemlərin həlli üzrə sənədin “İCANN”-a müzakirə üçün təqdim olunması gözlənilir.

Sənəd “At-Large” qrup üzvlərinin domen adlarının verilməsi ilə bağlı problemlərin həllinə dair fikirləri özündə əks edir. Əsas məqsəd İnternet mühitində yaranan problemləri həll etmək üçün lazım olan məlumatı “İCANN”-a çatdırmaqdan ibarətdir.



Baxış sayı: 1892

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






23 Aprel 2018

22 04 2018