12px13px15px17px
Tarix:13/02/15

Avropa Yenidənqurma və İnkişaf Bankı Azərbaycanın telekommunikasiya sahəsində əməkdaşlıq təklif edir

Rabitə və Yüksək Texnologiyalar Nazirliyində (RYTN) Avropa Yenidənqurma və İnkişaf Bankının (AYİB)  nümayəndə heyəti ilə görüş keçirilib. 

Rabitə və yüksək texnologiyalar naziri Əli Abbasovun iştirakı ilə keçirilən görüşdə son illərdə respublikanın telekommunikasiya sektorunda görülən işlər, əldə olunan nailiyyətlərdən söz açılıb, həyata keçirilən əhəmiyyətli  layihələrdə AYİB-in iştirak imkanları barədə fikir mübadiləsi aparılıb. 
 
 
Ölkəmizlə tərəfdaşlıqda həyata keçirilən layihələrdən danışan AYİB-in Bakıdakı daimi nümayəndəliyinin rəhbəri Nil Makkeyn Azərbaycanın telekommunikasiya sektorundakı inkişafı xüsusi vurğulayaraq, bu sahədə RYTN və aidiyyəti müəssisələrlə əməkdaşlığın aparılmasında maraqlı olduqlarını bildirib.
 
Ölkənin telekommunikasiya sektoruna gələcək investisiya imkanlarından da söz açan N.Makkeyn hazırda  AYİB tərəfindən üç istiqamətdə, o cümlədən dövlət mülkiyyətində olan telekommunikasiya  operatorlarının özəlləşdirmə  prosesində  texniki hazırlığının artırılması, sahə üzrə normativ hüquqi bazanın və tənzimləmə mexanizminin təkmilləşdirilməsi məqsədilə məsləhət xidmətlərinin təklif edildiyini nəzərə çatdırıb.
 
Qeyd olunanlarla bağlı son illərdə respublikamızda aparılan işlərdən söz açan nazir Əli Abbasov AYİB  tərəfindən irəli sürülən təklifi yüksək qiymətləndirib və daha sonra bu istiqamətdə əməkdaşlığın qurulması yolları müzakirə olunub.
 
         



Baxış sayı: 696

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






22 Oktyabr 2018

21 10 2018