12px13px15px17px
Tarix:28/08/15

Nazir Gəncədə vətəndaşlarla görüşüb

Azərbaycan Respublikasının Prezidenti İlham Əliyevin tapşırıq və tövsiyələrinə uyğun olaraq mərkəzi icra hakimiyyəti orqanlarının rəhbərləri bölgələrdə vətəndaş qəbulunu davam etdirirlər.
 

Qrafikə uyğun olaraq, bu gün rabitə və yüksək texnologiyalar naziri Əli Abbasov Gəncədə vətəndaşlarla görüşüb. 

Gəncə, Samux, Goranboy, Göygöl, Daşkəsən və Kəlbəcərdən olan sakinlərin müraciəti əsasən telekommunikasiya, internet, poçt, televiziya və radio yayımı xidmətlərinin keyfiyyəti, eləcə də işə qəbul, yeni elektron ATS-lərin çəkilişi və sair məsələlərlə bağlı olub.
 

Qəbula gələn vətəndaşların hər birini diqqətlə dinləyən nazir Əli Abbasov müraciətlərin bəzilərini yaradılmış canlı videobağlantı ilə aydınlaşdıraraq tapşırıqlar verib, bir sıra məsələləri yerindəcə həll edib. Nazirliyin səlahiyyətlərinə aid olmayan müraciətlər isə müvafiq nazirlik və təşkilatlara göndərilməsi məqsədilə nəzarətə götürülüb.
 

Qəbulda iştirak edən vətəndaşlar yerlərdə keçirilən belə görüşlərə görə dövlətimizin başçısına minnətdarlıq ediblər.





Baxış sayı: 610

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






22 Oktyabr 2018

21 10 2018